ডিজিটেল ডেস্কঃ ফাইনেলৰ বাবে সাজু ৰোহিত শৰ্মা৷ প্ৰতিযোগিতাখনৰ আৰম্ভণিতেই ভাৰতক ফেভাৰিট বুলি গণ্য কৰা হৈছিল। অধিনায়কগৰাকীৰ নেতৃত্বত ফাইনেলৰ পথত বিশ্বকাপৰ ১০খন খেলতে জয়লাভ কৰে টীম ইণ্ডিয়াই৷
বিশ্বকাপৰ ফাইনেলৰ পূৰ্বে সংবাদমেলত ৰোহিত শৰ্মাই কয়- ‘‘যেতিয়াই আমি এনে প্ৰতিযোগিতা খেলো, তেতিয়াই পূৰ্বতে বিশ্বকাপৰ ফাইনেল খেলাতসকলকৈ বৰ্তমানৰ খেলুৱৈৰ ফৰ্মটোৱেই অধিক গুৰুত্বপূৰ্ণ। ২০১১ চনত বিশ্বকাপৰ ফাইনেল খেলা দুজন খেলুৱৈও আমাৰ লগত আছে। আমি চাপ কেনেকৈ চম্ভালিব জানো। আমি এতিয়ালৈকে যিদৰে খেলিছো, সেইদৰেই আমি আগবাঢ়ি যাব বিচাৰো।”
খেলুৱৈসকলৰ কেৰিয়াৰৰ এই মুহূৰ্তৰ বিশালতাক স্বীকাৰ কৰে ৰোহিতে৷ ৰোহিতে কয়- ‘‘আৱেগিকভাৱে ই এক ডাঙৰ অনুষ্ঠান। নিঃসন্দেহে আমাৰ বাবে ই আটাইতকৈ ডাঙৰ সপোন। এয়া মোৰ আটাইতকৈ ডাঙৰ মুহূৰ্ত। মই ডাঙৰ হৈছো এদিনীয়া বিশ্বকাপৰ চাইয়েই! এই পৰিস্থিতিত শান্ত হৈ থকাটো অত্যন্ত জৰুৰী৷’’
অধিনায়কগৰাকীয়ে মহম্মদ শ্বামীৰ প্ৰতিও কৃতজ্ঞতা প্ৰকাশ কৰে৷ কয়- ‘‘এই টুৰ্ণামেণ্টত বলাৰসকলে আমাৰ বাবে এক ডাঙৰ কাম কৰিছে। প্ৰথম ৪-৫ খেলত আমি দলসমূহক ভাৰতৰ মাটিত ৩০০ ৰানৰ তলত সীমাবদ্ধ কৰি ৰাখিছো।’’
উল্লেখ্য যে অহাকালি দিনৰ ২ বজাৰ পৰা ফাইনেল খন অনুষ্ঠিত হ’ব৷ বিপক্ষৰ দলৰ অধিনায়ক পেট কামিন্সেও মেচখনৰ পূৰ্বে কৈছে যে তেওঁলোকে জয়ৰ বাবে সৰ্বোচ্চ উজাৰি দিব৷
Continue Reading
