ডিজিটেল ডেস্কঃ তিনিজন ব্ৰিটিছ নাগৰিকক আফগানিস্তানত পণবন্দী কৰিলে তালিবানে।প্ৰেছিডিয়াম নেটৱৰ্ক নামৰ এক ব্ৰিটেইনৰ অলাভজনক সংস্থাটোৱে এই তথ্য প্ৰকাশ কৰিছে। সংস্থাটোৰ ৰিচাৰ্ডছে নিশ্চিত কৰিছে যে তালিবানে এজন পেৰামেডিকক বন্দী কৰি ৰাখিছে।
এই সন্দৰ্ভত অৱশ্যে তালিবানে কোনো আনুষ্ঠানিক ঘোষণা কৰা নাই। পণবন্দী কৰাসকলৰ ভিতৰত এজনক বাৰ্মিংহামৰ ২৩ বছৰীয়া মাইলছ ৰাউটলেজ বুলি জনা গৈছে। উল্লেখ্য আফগানিস্তান এতিয়া তালিবানৰ দখলত। আফগানিস্তানৰ দৰেই তালিবানে পাকিস্তানো দখল কৰি ল’ব নেকি? আপাততঃ তেনে আশংকাই এতিয়া ঘনীভূত হৈছে।
শেহতীয়াকৈ তালিবানে অভিযোগ কৰিছে যে পাকিস্তানত সঠিকভাবে ' আল্লাৰ শাসন' প্ৰতিষ্ঠা হোৱা নাই। সেয়ে আল্লাৰ শাসন প্ৰতিষ্ঠা কৰিবলৈ আফগানিস্তানৰ পৰা শ শ তালিবান সন্ত্ৰাসবাদীক পাকিস্তানলৈ প্ৰেৰণ কৰা হৈছে। শেহতীয়াকৈ ভাইৰেল হৈ পৰা এটা বিশেষ ভিডিঅ'ত তেহৰিক-ই-তালিবানৰ সন্ত্ৰাসবাদীয়ে পাকিস্তানত প্ৰৱেশ কৰা দেখা গৈছে।
এই ভিডিঅ’ এতিয়া ছ'চিয়েল মিডিয়াত এটা ভিডিঅ' ভাইৰেল হৈ পৰিছে। ভিডিঅ'টোত তালিবানে দাবী কৰিছে যে তালিবানে ইছলামাবাদত 'আল্লাৰ শাসন' প্ৰতিষ্ঠা কৰিবলৈ প্ৰৱেশ কৰিছে । পাকিস্তানে প্ৰকৃত ইছলাম অনুসৰণ কৰা নাই বুলিও তালিবানে কৈছে।
Continue Reading
