ডিজিটেল ডেস্কঃ দেশজুৰি চাঞ্চল্যৰ সৃষ্টি কৰা শ্ৰদ্ধা হত্যাকাণ্ডৰ এটাৰ পাছত আনটো তথ্য পোহৰলৈ আহিছে। শেহতীয়াকৈ শ্ৰদ্ধা হত্যাকাণ্ডৰ এটা গুৰুত্বপূৰ্ণ তথ্য চৰ্চালৈ আহিছে।
সূত্ৰ অনুসৰি ২০১৯ চনৰ আগষ্ট মাহত শ্ৰদ্ধা ৱালকাৰৰ পিতৃ-মাতৃ আফতাব আমিন পুনাৱালাৰ পিতৃ-মাতৃৰ ওচৰলৈ তেওঁলোকৰ বিবাহৰ বিষয়ে কথা পাতিবলৈ গৈছিল। আফতাবৰ পৰিয়ালে এই প্ৰস্তাৱ নাকচ কৰিছিল। শ্ৰদ্ধাৰ মাক-দেউতাকক আফতাবৰ পিতৃ-মাতৃয়ে অপমান কৰি কৈছিল যে কেতিয়াও আমাৰ ঘৰলৈ নাহিব। বিয়াৰ কথা কেতিয়াও নক’ব।
ইমানৰ পাছতো কিন্তু শ্ৰদ্ধা আফতাবৰ লগতে লিভ-ইন-ৰিলেচনত আছিল। তেওঁলোকৰ মাজত প্ৰায়ে কাজিয়া লাগিছিল।
১৮ মে’ৰ সন্ধিয়া আফতাবে নিজৰ ‘লিভ ইন পাৰ্টনাৰ’ শ্ৰদ্ধা ৱাকাৰ (২৭)ক ডিঙি চেপি হত্যা কৰাৰ লগতে মৃতদেহ ৩৫ টুকুৰাকৈ কাটি এটা ৩০০ লিটাৰত ৰাখিছিল।
প্ৰায় তিনি সপ্তাহ ধৰি তেওঁৰ বাসগৃহত ফ্ৰীজত থৈ দিয়া শ্ৰদ্ধাৰ মৃতদেহৰ টুকুৰা কেইবাদিনো বিভিন্ন ঠাইত পেলাইছিল আফতাবে। অৱশেষত এই হত্যাকাণ্ডৰ কথা পোহৰলৈ আহে যোৱা ১৩ নৱেম্বৰত। আফতাবক জেৰা কৰি তদন্ত অব্যাহত ৰাখিছে আৰক্ষীয়ে।
Continue Reading
