বয়স ৫৯! নিজৰ ৰূপ-যৌৱন কিদৰে ধৰি ৰাখিছে নীতা আম্বানীয়ে?

বিশেষকৈ মুকেশ আম্বানীৰ পত্নী নীতা আম্বানী প্ৰায় আলোচনাৰ বিষয় হৈ থাকে। পৃথিৱীৰ সকলো বিলাসিতা আম্বানী পৰিয়ালত আছে। দামী ঘৰৰ পৰা আৰম্ভ কৰি দামী গাড়ীলৈকে সকলো আছে আম্বানী পৰিয়ালত।

মুকেশ আম্বানীৰ পত্নী নীতা আম্বানীৰ সৌন্দৰ্য্য বলীউডৰ যিকোনো ধুনীয়া অভিনেত্ৰীতকৈ কম নহয়। বৰ্তমান তেওঁৰ বয়স ৫৯ বছৰ। প্ৰায় ৬০ বছৰ বয়সতো তেওঁৰ মুখত এক কমনীয়তা আৰু উজ্জ্বলতা আছে। এই ৰূপত তেওঁৰ অনুৰাগীসকল আপ্লুত থাকে। কম বয়সতো নীতা বৰ ধুনীয়া আছিল। ছ'চিয়েল মিডিয়াত তেওঁৰ জীৱনশৈলীৰ বিষয়ে চৰ্চা চলি থাকে। তেওঁ পিন্ধা দামী শাৰীবোৰৰ পৰা আৰম্ভ কৰি ব্ৰেণ্ডেড হেণ্ডবেগ, জোতা, চেণ্ডেল, প্ৰসাধন সামগ্ৰী, আনকি তেওঁৰ পুৱাৰ চাহৰ পৰা দিনত খোৱা ব্ৰেণ্ডেড পানীলৈকে, দামবোৰ আকাশলংঘী! কিন্তু শৰীৰটো সুস্থ কৰি ৰাখিবলৈ তেওঁ যি দৈনন্দিন ৰুটিন মানি চলে, সেয়া যিকোনো সাধাৰণ মানুহে সহজেই পালন কৰিব পাৰে।

বহুতে ভাবে যে নীতাই কিছুমান ডাঙৰ ব্ৰেণ্ডৰ প্ৰসাধন সামগ্ৰী ব্যৱহাৰ কৰে। কিন্তু ৬০ বছৰ বয়সত কেৱল ক্ৰীম বা লোচন ব্যৱহাৰ কৰিলেই সেই গ্লো পোৱাটো কেতিয়াও সম্ভৱ নহয়। আচলতে নীতা আম্বানীয়ে এক কঠোৰ ৰুটিন মানি চলে। আৰু এই ৰুটিনৰ বাবেই তেওঁ প্ৰতিদিনে নিশা ১০-১১ বজাৰ ভিতৰত শুই যায় আৰু ৰাতিপুৱা ৫ বজাত সাৰ পায়। ইয়াৰ পিছত নীতাই শাৰীৰিক ব্যায়াম কৰে। ব্যায়ামৰ পাছত তেওঁ ব্ৰেকফাষ্টত ফলৰ ৰস খায়। তেওঁ কেতিয়াও ফাষ্ট ফুড নাখায় আৰু খাবলৈও ভাল নাপায়। সদায় ঘৰতে প্ৰস্তুত কৰা সাধাৰণ খাদ্য গ্ৰহণ কৰে নীতাই আৰু সেইবাবেই তেওঁ ইমান সুস্থ, ফিট আৰু গ্লেমাৰাছ। ইয়াৰ উপৰিও প্ৰসাধন সামগ্ৰী যিমানেই দামী নহওক কিয়, নীতাই ৰাসায়নিক পদাৰ্থ থকা একো ব্যৱহাৰ নকৰে। আৰু এয়াই হৈছে নীতা আম্বানীৰ ৰুটিন।