ডিজিটেল ডেস্কঃ ভাৰতত বিশ্বকাপ খেলিবলৈ আহিয়েই বাবৰ আজমবাহিনীয়ে ভাল খবৰ পালে। তেওঁলোকক পাকিস্তান ক্ৰিকেট ব’ৰ্ডৰ তৰফৰ পৰা নতুন কেন্দ্ৰীয় চুক্তিৰ প্ৰস্তাৱ দিয়া হৈছে। সেই প্ৰস্তাৱত সন্মতি দিলে ক্ৰিকেটাৰসকলে। বাবৰৰ দাবী অনুসৰি পাকিস্তান ক্ৰিকেট ব’ৰ্ডে তেওঁলোক

Listen to Article

2 min read

80%

ডিজিটেল ডেস্কঃ ভাৰতত বিশ্বকাপ খেলিবলৈ আহিয়েই বাবৰ আজমবাহিনীয়ে ভাল খবৰ পালে। তেওঁলোকক পাকিস্তান ক্ৰিকেট ব’ৰ্ডৰ তৰফৰ পৰা নতুন কেন্দ্ৰীয় চুক্তিৰ প্ৰস্তাৱ দিয়া হৈছে। সেই প্ৰস্তাৱত সন্মতি দিলে ক্ৰিকেটাৰসকলে। বাবৰৰ দাবী অনুসৰি পাকিস্তান ক্ৰিকেট ব’ৰ্ডে তেওঁলোকৰ দৰমহা বহু পৰিমাণে বৃদ্ধি কৰিছে।

অধিনায়ক বাবৰৰ দৰমহা ২০০ শতাংশ বৃদ্ধি পাইছে। মহম্মদ ৰিজৱান আৰু শ্বাহীন শ্বাহ আফ্ৰিদীয়েও একেই বৃদ্ধি পাইছে। প্ৰতিমাহে ১৩ লাখ টকা অৰ্থাৎ বছৰি ১ কোটি ৫২ লাখ টকা পাব তেওঁলোকে। শিতান অনুসৰি বাকী ক্ৰিকেটাৰসকলৰ দৰমহাও বৃদ্ধি পাইছে।

পাকিস্তান ক্ৰিকেট ব’ৰ্ডে এক বিবৃতিত কয় যে, ''২৫জন ক্ৰিকেটাৰক নতুন চুক্তিৰ অধীনত ৰখা হৈছে। পাকিস্তানে পোৱা আইচিচিৰ লাভৰ অংশৰ পৰা ক্ৰিকেটাৰসকলৰ দৰমহা যিমান পাৰি বৃদ্ধি কৰা হৈছে। কেৱল মাহিলী দৰমহাই নহয়, ক্ৰিকেটাৰসকলৰ মেচ মাচুলও বৃদ্ধি কৰা হৈছে।''

পাকিস্তান ক্ৰিকেট ব’ৰ্ডৰ মতে, ২০২৩ চনৰ ১ জুলাইৰ পৰা এই চুক্তি আৰম্ভ হ’ব। যদিও এই চুক্তি তিনি বছৰৰ বাবে, তথাপিও প্ৰতি বছৰৰ শেষত ক্ৰিকেটাৰসকলৰ প্ৰদৰ্শনৰ পৰ্যালোচনা কৰা হ’ব। সেই অনুসৰি চুক্তি সলনি হ’ব পাৰে।

পাকিস্তানী ক্ৰিকেটাৰসকলক চাৰিটা ভাগত বিভক্ত কৰা হৈছে। ক শ্ৰেণীৰ দৰমহা বৃদ্ধি পাইছে ২০২ শতাংশ। খ শ্ৰেণীৰ দৰমহা ১৪৪ শতাংশ বৃদ্ধি পাইছে। গ শ্ৰেণীৰ ক্ৰিকেটাৰসকলৰ দৰমহা ১৩৫ শতাংশ আৰু ঘ শ্ৰেণীৰ ক্ৰিকেটাৰৰ দৰমহা ১২৭ শতাংশ বৃদ্ধি পাইছে।

ক শ্ৰেণী—

বাবৰ আজম, মহম্মদ ৰিজৱান, শ্বাহীন শ্বাহ আফ্ৰিদি।

খ শ্ৰেণী—

ফখৰ জামান, হেৰিছ ৰাউফ, ইমাম উল হক, মহম্মদ নৱাজ, নছিম শ্বাহ আৰু ছাদাব খান।

শ্রেণী C—

ইমাদ ৱাছিম আৰু আব্দুল্লা ছফিক।

শ্রেণী D—

ফহীম আছৰাফ, হাছান আলী, ইফতিখাৰ আহমেদ, ইহছানুল্লাহ, মহম্মদ হেৰিছ, মহম্মদ ৱাছিম জুনিয়ৰ, ছাইম আয়ুব, ছলমান আঘা, সৰফৰাজ আহমেদ, চৌদ শ্বাকিল, শ্বাহনাৱাজ দহানী, শ্বান মাছুদ, উছামা মিৰ আৰু জামান খান।