ডিজিটেল ডেস্ক: এছিয়ান গেমছৰ উন্মাদনাৰ মাজতেই ৰণশিঙা বাজিল আই চি চি এদিনীয়া বিশ্বকাপৰ৷ বিশ্বকাপৰ মূল খেলৰ পূৰ্বে দেশৰ তিনিখন চহৰত আৰম্ভ হৈছে প্ৰস্তুতি পৰ্ব৷ শুকুৰবাৰে গুৱাহাটীৰ বৰ্ষাপাৰা ষ্টেডিয়ামৰ প্ৰথম মেচত অংশ লয় শ্ৰীলংকা আৰু বাংলাদেশে৷ আজি বৰ্ষাপাৰাৰ প্ৰস্তুতি মেচত মুখামুখি হ’ব আয়োজক ভাৰত আৰু ইংলেণ্ড৷ গুৱাহাটীৰ পৰাই ইংলেণ্ড দলটো বিশ্বকাপৰ উদ্বোধনী মেচ খেলিবলৈ আহমেদাবাদ অভিমুখে ৰাওনা হ’ব৷ আনহাতে, দেওবাৰে তিৰুৱনন্তপুৰম অভিমুখে ৰাওনা হ’ব টীম ইণ্ডিয়া৷
ভাৰত বনাম ইংলেণ্ড ৱাৰ্ম-আপ ক’ত, কেনেকৈ উপভোগ কৰিব পাৰিব?
ষ্টাৰ স্পৰ্টছ চেনেলত খেলখনৰ পোনপটীয়া সম্প্ৰচাৰ চলিব৷ আনহাতে হটষ্টাৰে খেলখনৰ লাইভ ষ্ট্ৰীমিং প্ৰদান কৰিব।
ভাৰত বনাম ইংলেণ্ড ৱাৰ্ম-আপ কেতিয়া আৰু ক’ত খেলা হ’ব?
খেলখন ভাৰতীয় সময় মতে দুপৰীয়া ২ বজাৰ পৰা গুৱাহাটীৰ বৰ্ষাপাৰা ষ্টেডিয়ামত আৰম্ভ হ'ব।
প্ৰস্তুতি মেচৰ খেলুৱৈসকল:
ভাৰত: ৰোহিত শৰ্মা, হাৰ্দিক পাণ্ডিয়া, শুভমন গীল, বিৰাট কোহলী, শ্ৰেয়াছ আয়াৰ, কে এল ৰাহুল, ৰবীন্দ্ৰ জাদেজা, শাৰ্দুল ঠাকুৰ, যশপ্ৰীত বুমৰাহ, মহম্মদ চিৰাজ, কুলদীপ যাদৱ, মহম্মদ ছামী, ৰবিচন্দ্ৰন অশ্বিন, ঈশান কিষাণ, সূৰ্যকুমাৰ যাদৱ।
ইংলেণ্ড: জছ বাটলাৰ, মইন আলী, গাছ এটকিনছন, জনি বেয়াৰস্টো, ছেম কুৰান, লিয়াম লিভিংষ্টোন, দাৱিদ মালান, আদিল ৰছিদ, জো ৰুট, হেৰী ব্ৰুক, বেন ষ্টোকছ, ৰিচ টপলী, ডেভিড ৱিলি, মাৰ্ক উড, ক্ৰিছ ৱ'ক্স।
