ডিজিটেল ডেস্কঃ গোষ্ঠী সংঘৰ্ষত জ্বলি উঠিছে মণিপুৰ। এতিয়ালৈ নিহত হৈছে ১৬০ গৰাকীকৈ লোক। ইয়াৰ মাজতে ৰাজ্য খনৰ কুকি-জো সম্প্ৰদায়ৰ লোকসকলে মণিপুৰৰ কাংপোকপি জিলাত জনজাতিটোৰ বাবে পৃথক প্ৰশাসনৰ দাবী উত্থাপন কৰিছে। জনজাতীয় ঐক্য সমিতিৰ আহ্বানত প্ৰতিবাদকাৰীসকলে কাংপোকপি আৰু ইম্ফল পশ্চিম জিলাৰ সীমান্তৱৰ্তী গামগিফাই নামৰ এখন গাঁৱত এই প্ৰতিবাদ সাৱ্যস্ত কৰে৷
" আমি শান্তিপূৰ্ণ ভাৱে আন্দোলন কৰিছো। আমি বিচাৰো যে চৰকাৰে আমাৰ বাবে পৃথক প্ৰশাসনৰ দাবী পূৰণ কৰক," এজন প্ৰতিবাদকাৰীয়ে কয়।
উল্লেখ্য মণিপুৰৰ চিন-কুকি-মিজো-জোমি গোটৰ জনজাতীয় বিধায়কসকলে মেইটি আৰু জনজাতীয় লোকসকলৰ মাজত হোৱা হিংসাত্মক সংঘৰ্ষৰ পৰিপ্ৰেক্ষিতত কেন্দ্ৰক তেওঁলোকৰ সম্প্ৰদায়ৰ বাবে এক পৃথক প্ৰশাসন গঢ়ি তুলিবলৈ আহ্বান জনাইছে। মুখ্যমন্ত্ৰী এন বীৰেন সিঙে অৱশ্যে সেই দাবীটো নাকচ কৰিছে।
Continue Reading
