ডিজিটেল ডেস্কঃ ৰাজস্থানত বুধবাৰে সংঘটিত হৈছে এক ভয়ংকৰ ঘটনা। আৰক্ষীৰ জিম্মাত থকা এজন কুখ্যাত অপৰাধীক আদালতলৈ নিয়াৰ পথতে হত্যা কৰা হৈছে। দুৰ্বৃত্তৰ এটা দলে আদালতলৈ যোৱাৰ পথতে বিজিপি নেতা এজনক হত্যাৰ গোচৰত অভিযুক্ত গেংষ্টাৰ জনক আক্ৰমণ কৰে।
জানিব পৰা মতে আৰক্ষীৰ চকুত জলকীয়া গুড়ি মাৰি দুৰ্বৃত্তই আক্ৰমণৰ ঘটনাটো সংঘটিত কৰে। । ঘটনাটোৱে প্ৰতিক্ৰিয়াৰ সৃষ্টি কৰিছে। আৰক্ষীৰ জিম্মাত থকা অৱস্থাতে এনেদজৰে অপৰাধীক গুলীয়াই হত্যা কৰাৰ ঘটনাই ৰাজ্যখনৰ আইন-শৃংখলা সম্পৰ্কে প্ৰশ্ন উত্থাপন কৰিছে। বুধবাৰে গেংষ্টাৰ কুলদীপ জাঘিনাৰক আৰক্ষীয়ে ভৰতপুৰৰ আদালতলৈ লৈ গৈ আছিল। ।
বিজেপি নেতা কৃপাল সিঙৰ হত্যাৰ গোচৰত কুলদীপৰ বিৰুদ্ধে বিচাৰ চলি আছে। আদালতলৈ নিয়াৰ সময়তে দুৰ্বৃত্তৰ এটা দলে জয়পুৰ-আগ্ৰা ৰাষ্ট্ৰীয় ঘাইপথৰ আমোলি টোল প্লাজাৰ ওচৰত আৰক্ষীৰ বাহনখন ঘেৰি ধৰে।
দুৰ্বৃত্তই আৰক্ষীৰ চকুত জলকীয়া গুড়ি নিক্ষেপ কৰে আৰু কুলদীপক গুলীয়াই হত্যা কৰে। উল্লেখ্য ইয়াৰ পূৰ্বেও প্ৰায় একে কায়দাৰে উত্তৰ প্ৰদেশৰ প্ৰয়াগৰাজত পাঁচবাৰৰ সমাজবাদী পাৰ্টিৰ বিধায়ক তথা ফুলপুৰৰ প্ৰাক্তন সাংসদ আতিক আহমেদ আৰু তেওঁৰ ভাতৃ আশ্ৰাফক আৰক্ষীয়ে হত্যা কৰা হৈছিল। ঘটনাটোৰ পিছতে বিৰোধী ৰাজনৈতিক দলবোৰে ৰাজ্যখনৰ আইন-শৃংখলা পৰিস্থিতিৰ ওপৰত প্ৰশ্ন উত্থাপন কৰিছিল।
Continue Reading
