ডিজিটেল ডেস্কঃ কিছুদিন আগতে ৰাস্তাৰ দাঁতিত বহি জোতা চিলাই কৰিছিল। মানুহে আহি চিলাই বা পলিচ কৰিবলৈ জোতাবোৰ পেলাই দিয়ে। এতিয়া সেই মানুহবোৰেই আহি ৰাম চেটৰ লগত চিনাকি হ’বলৈ আহিছে। গাড়ী ৰখাই কথা পাতে। ইয়াৰ বাবে উত্তৰ প্ৰদেশৰ চুলতানপুৰৰ চামৰাৰ শিল্পী ৰামে ৰাহুল গান্ধীক ধন্যবাদ জনাইছে। ৰাহুলে সন্মান দিয়াৰ বাবেই তেওঁৰ অৱস্থা সলনি হ’ল।
একাংশই দহ লাখ টকা পৰ্যন্ত ধন দি ৰাহুলে তেওঁৰ দোকানত চিলাই কৰা জোতাযোৰ কিনিব বিচাৰিছিল। কিন্তু ৰাম অটল। সেই জোতা তেওঁ বিক্ৰী নকৰে।
চুলতানপুৰত এটা মানহানিৰ গোচৰৰ শুনানিত অংশগ্ৰহণ কৰিবলৈ গৈছিল কংগ্ৰেছ সাংসদ ৰাহুল। বাটত ৰামৰ জোতা মেৰামতি কৰা দোকানত ৰয়। তেওঁ ব্যৱসায়ৰ বিষয়ে সোধা-পোছা কৰিলে। তেওঁৰ পৰা জোতা বনোৱাৰ পাঠো লৈছিল। ছ’চিয়েল মিডিয়াত বিয়পি পৰিছে ৰাহুলে জোতা চিলাই কৰা ভিডিঅ’। পিছদিনা ৰাহুলে ৰামক চিলাই মেচিন এটা দিয়ে। সৰ্বভাৰতীয় সংবাদ মাধ্যমৰ আগত ৰামে কয় যে ৰাহুল তেওঁৰ দোকানলৈ অহাৰ পিছৰে পৰা জীৱন সলনি হৈছে।
ৰাহুলে চিলাই কৰা জোতা কিনিবলৈ বহু লোকে লাখ লাখ টকাৰ প্ৰস্তাৱ দিছে বুলিও ৰামে কয়। তেওঁৰ ভাষাত "প্ৰথমে এজন ব্যক্তিয়ে পাঁচ লাখ টকা দিব বিচাৰিছিল। এতিয়া সেই অফাৰ ১০ লাখ টকা হৈছেগৈ। নগদ ধনেৰে ভৰা বেগ এটা লৈ মানুহ এজন আহিল, মই লোৱা নাছিলো। মই সেই জোতা বিক্ৰী নকৰো।’’ ৰাম এটা অস্থায়ী জুপুৰীত থাকে। বিদ্যুতৰ সংযোগ নাই। সেইবাবেই ৰাতি ঘৰত চিলাই কৰিব নোৱাৰি।
Continue Reading
