ৰাহুল গান্ধীৰ নেতৃত্বত কংগ্ৰেছেই গঠন কৰিব চৰকাৰ! দাবী কৰিলে কংগ্ৰেছৰ সভাপতি মল্লিকাৰ্জুন খৰ্গেই

ডিজিটেল ডেস্কঃ ৰাহুল গান্ধীৰ নেতৃত্বত কংগ্ৰেছেই দিল্লীত চৰকাৰ গঠন কৰিব। এই দাবী কৰিছে দলটোৰ সভাপতি মল্লিকাৰ্জুন খৰ্গেই। মঙলবাৰে হায়দৰাবাদত 'ভাৰত জোৰো যাত্ৰা’ত অংশ লৈ সভাপতিগৰাকীয়ে কয় যে বিজেপিৰ বাহিৰে যদি কেন্দ্ৰত চৰকাৰ গঠন কৰা হয়, তেন্তে ৰাহুল গান্ধীৰ নেতৃত্বত কংগ্ৰেছ দলেই চৰকাৰ গঠন কৰিব।

শেহতীয়াকৈ হৈ যোৱা দলীয় সভাপতি নিৰ্বাচনত বিজয়সাব্যষ্ট কৰাৰ পাছতে মঙলবাৰে খৰ্গেই হায়দৰাবাদত ৰাহুল গান্ধীৰ যাত্ৰাত অংশ লয়। যাত্ৰাত অংশ লৈ তেওঁ কয় যে তেলেংগানাৰ শাসনাধীষ্ঠ দল কেচিআৰৰ টিআৰএছে বিজেপিৰ স’তে মিত্ৰতাপাশত আৱদ্ধ হ’বলৈ উলাইছে।

''যেতিয়াই আমি সংসদত কিবা বিল বিৰোধিতা কৰো, টিআৰএছে বিজেপিক সমৰ্থন কৰে। কিন্তু তেওঁলোকে এতিয়াও বিজেপিৰ বিৰোধিতা কৰি অহা বুলি কৈ আহিছে।’’- খৰ্গেই কয়- ''যদি কোনোবাই বিজেপিৰ বাদে আন চৰকাৰ আনিব বিচাৰে, তেন্তে ৰাহুল গান্ধীৰ নেতৃত্বত কংগ্ৰেছেই আনিব পাৰিব।

উল্লেখ্য যে শেহতীয়াকৈ তেলেংগানাত কেচিআৰ আৰু ৰাহুল গান্ধীৰ তীব্ৰ বাক-বিতণ্ডা পৰিলক্ষিত হৈছে। ৰাহুল গান্ধীয়ে কেচিআৰ আৰু মোদীৰ বন্ধুত্বমূলক সম্পৰ্ক আছে বুলি কোৱাৰ পাছতে ৰাজনৈতিক বিতৰ্কৰ সূত্ৰপাত হৈছে।