মহাত্মা গান্ধীৰ বাবেহে বিদেশত সন্মান লাভ কৰিছে নৰেন্দ্ৰ মোদীয়ে! কোনে ক’লে এইদৰে?

ডিজিটেল ডেস্কঃ মহাত্মা গান্ধীৰ বাবেহে প্ৰধানমন্ত্ৰী নৰেন্দ্ৰ মোদীয়ে বিদেশত সন্মান লাভ কৰিছে। গান্ধীৰ দেশ  ভাৰতক প্ৰতিনিধিত্ব কৰিহে মোদীয়ে এই আদৰ লাভ কৰিছে। এই ভাষ্য প্ৰদান কৰিছে ৰাজস্থানৰ মুখ্যমন্ত্ৰী অশোক গেহলটে।

মঙলবাৰে ৰাজস্থানৰ বঞ্চাৰাৰ মানগড় ধামৰ এটা অনুষ্ঠানত অংশ লৈ এই ভাষ্য প্ৰদান কৰিছে গেহলটে। লক্ষ্যণীভাৱে উক্ত অনুষ্ঠানটোত প্ৰধানমন্ত্ৰী নৰেন্দ্ৰ মোদীও উপস্থিত আছিল।

গেহলটে কয় যে যেতিয়া মোদী বিদেশলৈ যায়, তেতিয়া অশেষ শ্ৰদ্ধা লাভ কৰে। ইয়াৰ কাৰণ হৈছে তেওঁ গান্ধীৰ দেশৰ প্ৰধানমন্ত্ৰী, য’ত গণতন্ত্ৰৰ শিপা গভীৰ আৰু স্বাধিনতাৰ সত্তৰ বছৰৰ পাছতো গণতন্ত্ৰ জীয়াই আছে।

অনুষ্ঠানটোত গেহলটে প্ৰধানমন্ত্ৰী নৰেন্দ্ৰ মোদীক প্ৰশংসাৰেও উপচাই পেলায়। কয় যে মোদী চৰকাৰে জনজাতিসকলৰ বাবে অনেক পদক্ষেপ হাতত লৈছে।

উল্লেখ্য যে অনুষ্ঠানটো অনুষ্ঠিত হোৱা মানগড় ধাম স্বাধীনতা আন্দোলনৰ স্মৃতিবিজড়িত এটা স্থান। ১৯১৩ চনত ব্ৰিটিছ আৰ্মীয়ে ইয়াত ১৫০০ জন জনজাতীয় লোকক হত্যা কৰিছিল।