ডিজিটেল ডেস্কঃ ৰাহুল গান্ধীৰ ভাৰত জোড়ো যাত্ৰাই মধ্যপ্ৰদেশত প্ৰৱেশ কৰিলেই বোমা নিক্ষেপ কৰা হ’ব৷ হত্যা কৰা হ’ব ৰাহুল গান্ধীক৷ এনেধৰৰ এটা ভাবুকি লাভ কৰা গৈছে৷
ভাবুকি লাভ কৰাৰ পাছতে মধ্যপ্ৰদেশৰ আৰক্ষীয়ে নিৰাপত্তা ব্যৱস্থা জোৰদাৰ কৰিছে৷ জানিব পৰামতে, ইন্দোৰৰ জুনি থানাৰ অন্তৰ্গত এখন মিঠাইৰ দোকানৰ বাহিৰত এই ভাবুকিৰ এখন চিঠি উদ্ধাৰ কৰা হৈছে৷
মিঠাইৰ দোকানৰ আগত কোনে এই চিঠি ৰাখিলে, তাৰ তদন্ত আৰম্ভণি কৰিছে আৰক্ষীয়ে৷ অঞ্চলটোৰ চিচিটিভি ফুটেজসূমূহো আৰক্ষীয়ে পৰীক্ষা কৰিছে৷ ইতিমধ্যে আৰক্ষীয়ে ভাৰতীয় দণ্ডবিধিৰ ৮০৭ ধাৰাত এই সম্পৰ্কীয় এটা গোচৰ ৰুজ কৰিছে৷
উল্লেখ্য যে বীৰ চাভাৰকাৰক লৈ শেহতীয়াকৈ ৰাহুল গান্ধীয়ে কৰা মন্তব্যই ব্যাপক চৰ্চা চলি আছে৷ মন্তব্যটোৰ কাৰণেই গান্ধীক হত্যাৰ ভাবুকি দিছে বুলি আৰক্ষীয়ে আশংকা কৰিছে৷
আনহাতে, অহা ২০ নৱেম্বৰত ভাৰত জোড়ো যাত্ৰাই মধ্যপ্ৰদেশত সোমাব৷ তাৰ পূৰ্বে এই ভাবুকিয়ে ব্যাপক চাঞ্চল্যৰ সৃষ্টি কৰিছে৷
Continue Reading
