ডিজিটেল ডেস্কঃ আন্তঃৰাষ্ট্ৰীয় ক্ৰিকেটত জিলিকি উঠিছে ভাৰতীয় বলাৰ ৰবি বিষ্ণোই৷ অষ্ট্ৰেলিয়াৰ বিৰুদ্ধে সদ্য সমাপ্ত হোৱা টি-২০ শৃংখলাৰ পাছত আইচিচি টি-২০ ৰেংকিঙৰ নতুন ১ নং বলাৰ হিচাপে পৰিগণিত হৈছে লেগ স্পিনাৰ ৰবি বিষ্ণোই। পুৰুষৰ টি-২০ত বলিং ৰেংকিঙৰ শিখৰত উপনীত হোৱা যশপ্ৰীত বুমৰাহকে ধৰি ভাৰতীয় বলাৰৰ অভিজাত তালিকাত নাম অন্তৰ্ভুক্ত হৈছে বিষ্ণোইৰ৷
পুৰুষৰ টি-২০ ক্ৰিকেটত বেটিং আৰু বলিং দুয়োটা ৰেংকিঙত ভাৰতে শীৰ্ষস্থান দখল কৰে বেটিঙত সূৰ্যকুমাৰ যাদৱৰ সৈতে যোগদান কৰে বলাৰ ৰবি বিষ্ণোই-এ। আফগানিস্তানৰ স্পিনাৰ ৰছিদ খানৰ ঠাইত শীৰ্ষ স্থান দখল কৰে ৰবি বিষ্ণোইয়ে।
টি-২০ আইৰ অধিনায়ক হিচাপে প্ৰথম দায়িত্বত সফলতা লাভ কৰাৰ পাছত বেটিং ৰেংকিঙত ১ নং স্থান দখল কৰি আছে সূৰ্যকুমাৰ যাদৱে। সূৰ্যকুমাৰৰ অধীনত টি-২০ শৃংখলাত অষ্ট্ৰেলিয়াক ৪-১ত পৰাস্ত কৰে ভাৰতীয় দলটোৱে।
২০২৩ চনত ১১ খন টি-২০ত ভাৰতক নেতৃত্ব দিয়া হাৰ্দিক পাণ্ডিয়া আইচিচি টি-২০ অল-ৰাউণ্ডাৰ ৰেংকিঙত তৃতীয় স্থানত আছে। বাংলাদেশৰ বিৰুদ্ধে বিশ্বকাপ ২০২৩ৰ খেলখনত আঘাত পোৱাৰ পাছৰে পৰা তেওঁ খেলপথাৰৰ পৰা আঁতৰি আছে।
শীৰ্ষ ১০ স্থানত ভাৰতীয়: আইচিচি টি-২০আই ৰেংকিং
বেটছমেন-
১/ সূৰ্যকুমাৰ যাদৱ
৭/ ৰুতুৰাজ গাইকোৱাড
ব’লাৰ-
১/ ৰবি বিষ্ণোই
অল-ৰাউণ্ডাৰ-
৩/ হাৰ্দিক পাণ্ডিয়া
Continue Reading
