ডিজিটেল ডেস্ক: গ্ৰীষ্মকালত আইচক্ৰীম বহুতৰে প্ৰিয় । কিন্তু আইচক্ৰীমসমূহ কিমান স্বাস্থ্যকৰ পৰিবেশত প্ৰস্তুত কৰা হয় তাকেলৈ সন্দেহ আছে। শেহতীয়াকৈ মুম্বাইৰ এগৰাকী যুৱতীয়েদোকান এখনৰ পৰা আইচক্ৰীমৰ অৰ্ডাৰ দিছিল। কিন্তু আইচক্ৰীমটো খোলাৰ পিছতে আইচক্ৰীমৰ ভিতৰত ওলাই পৰেমানুহৰ কটা আঙুলি এটা! যুৱতীগৰাকীয়ে লগে লগে মালাড থানাত এই বিষয়ত এজাহাৰ দাখিল কৰে।
পেছাত এগৰাকী চিকিৎসক যুৱতীগৰাকী পশ্চিম মালাডৰ বাসিন্দা। বুধবাৰে বিয়লি তেওঁ স্থানীয় ষ্ট’ৰৰ পৰা অনলাইনত এটা স্বনামধন্য কোম্পানীৰ পৰা আইচক্ৰীম অৰ্ডাৰ কৰিছিল। কিন্তু আইচক্ৰীমত এটা কামোৰ মৰাৰ লগে লগে আইচক্ৰীমৰ ভিতৰত নখৰে সৈতে মানুহৰ কটা আঙুলি এটা দেখা পায় । ছ’চিয়েল মিডিয়াত ভিডিঅ’টো পোষ্ট কৰাৰ পিছত অলপ সময়ৰ ভিতৰতে ভাইৰেল হৈ পৰে। ইয়াৰ পিছত যুৱতীগৰাকীয়ে মালাড থানালৈ গৈ গোটেই কথাটো বিৱৰি কয়। তেওঁৰ অভিযোগৰ ভিত্তিত সংশ্লিষ্ট কোম্পানীটোৰ বিৰুদ্ধে এজাহাৰ দাখিল কৰা হৈছে ।
এই ঘটনাৰ পিছতে সেই আইচক্ৰীম প্ৰস্তুত কৰা পুনেৰ ফৰছুন ডেইৰীলৈ প্ৰশাসনে জাননী জাৰি কৰিছে। দেওবাৰে জাৰি কৰা জাননীত ফৰছুন ডেইৰী বন্ধ কৰিবলৈ নিৰ্দেশ দিয়া হৈছে। ইপিনে আইচক্ৰীমত কটা আঙুলি ওলোৱাৰ পিছত এইবাৰ নয়দাত আইচক্ৰীমৰ ভিতৰত এডাল কাণ খজুৱা উদ্ধাৰ হৈছে। মহিলাগৰাকীয়ে অনলাইন শ্বপিং প্লেটফৰ্মত আইচক্ৰীমৰ অৰ্ডাৰ দিছিল। মহিলাগৰাকীয়ে এই তথ্য খাদ্য সুৰক্ষা বিভাগক জনাইছে।
Continue Reading
