ডিজিটেল ডেস্কঃ বিগত দুবছৰ ধৰি আই পি এলত দহটা দলে খেলি আহিছে। তাৰ আগতে মাত্ৰ এবাৰহে অনুষ্ঠিত হৈছিল দহ দলৰ আই পি এল। ২০১১ চনত পুনে ৱাৰিয়ৰ্ছ ইণ্ডিয়া আৰু কোচি টাস্কাৰছ কেৰালাই খেলিছিল। পিছৰ বছৰ চুক্তি ভংগৰ বাবে কোচিক অযোগ্য ঘোষণা কৰা হয়। ১৩ বছৰৰ পাছত শান্ত

Listen to Article

2 min read

80%

ডিজিটেল ডেস্কঃ বিগত দুবছৰ ধৰি আই পি এলত দহটা দলে খেলি আহিছে। তাৰ আগতে মাত্ৰ এবাৰহে অনুষ্ঠিত হৈছিল দহ দলৰ আই পি এল। ২০১১ চনত পুনে ৱাৰিয়ৰ্ছ ইণ্ডিয়া আৰু কোচি টাস্কাৰছ কেৰালাই খেলিছিল। পিছৰ বছৰ চুক্তি ভংগৰ বাবে কোচিক অযোগ্য ঘোষণা কৰা হয়। ১৩ বছৰৰ পাছত শান্তকুমাৰন শ্ৰীসান্তে সেই দলৰ পৰা ধন বিচাৰিছে৷

কোচিত থকা সময়ছোৱাত শ্ৰীসান্তে ব্ৰেণ্ডন মেককালাম, মহেলা জয়ৱৰ্ধনে, ৰবীন্দ্ৰ জাডেজাকে ধৰি বহু বিখ্যাত ক্ৰিকেটাৰৰ সৈতে খেলিছিল। শেহতীয়াকৈ ইউটিউবৰ এটা অনুষ্ঠানলৈ আহি কৈছিল, "ক্ৰিকেটাৰৰ বাবে তেওঁলোকে বহুত টকা দিব লাগে।"

শ্ৰীসান্তে লগতে কয়, “মই তেওঁলোকৰ পৰা বহুত টকা পাওঁ। মুৰলীধৰণ ছাৰ, মহেলাক সুধিলে গম পাব কিমান টকা বাকী আছে। মেককালাম, জাডেজাইও পাবলৈ আছে।"

শ্ৰীসান্তে ভাবিলে যে ইমান দিনে বাতিল কৰা দলটোৰ পৰা কোনেও কিয় প্ৰাপ্য ধন দাবী কৰা নাই। যিসকলৰ টকা বাকী আছে তেওঁলোকক মাত মাতিবলৈ অনুৰোধ জনায়।

শ্ৰীসান্তে ক’লে, “প্লিজ আমাক টকাখিনি দিয়ক। ব’ৰ্ডে আপোনাক টকা দিছে। যেতিয়াই আমাক টকা দিব, প্ৰতি বছৰে ১৮ শতাংশ সুত দিব।’’ ইয়াৰ পিছত শ্ৰীসান্তে ধেমালিতে ক'লে, "মই ভাবো যে যিদিনা তেওঁলোকে ধন দিব, সেইদিনা মোৰ ল'ৰাৰ বিয়া হৈ যাব।"

শ্ৰীসান্তে কয়, প্ৰথম অৱস্থাত কোচিয়ে আই পি এলত তিনি বছৰ খেলিব বুলি কোৱাটো ঠিকেই আছিল। কিন্তু কিবা কাৰণত প্ৰথম বছৰৰ পিছত চুক্তিখন বাতিল হ’ল। শ্ৰীসান্তৰ দাবী, "মই নাজানো কিয় ইমান দিনে কোনেও একো কোৱা নাই।"