ডিজিটেল ডেস্কঃ দিল্লী কেপিটেলছৰ অনুশীলনত সতীৰ্থ ত্ৰিষ্টান ষ্টাবছক বল কৰা নাই কুলদীপ যাদৱে। বাওঁহাতৰ স্পিনাৰগৰাকীয়ে নিজৰ সতীৰ্থক নেটত সোমাবলৈ দিবলৈ অস্বীকাৰ কৰে। একাধিক অনুৰোধ নাকচ কৰা হৈছে। দক্ষিণ আফ্ৰিকাৰ ক্ৰিকেটাৰগৰাকীক কুলদীপে বল নিদিয়াৰ কাৰণ নাজানে দিল্লী কেপিটেলছ কৰ্তৃপক্ষইও।
কিছুদিন পূৰ্বে ষ্টাবছে কৈছিল যে কুলদীপে কেতিয়াও তেওঁক নেটত বলিং কৰিব নিবিচাৰে। আই পি এললৈ অহাৰ প্ৰস্তুতিৰ বাবে দুখ প্ৰকাশ কৰিছে ষ্টাবছে। বাৰে বাৰে অনুৰোধ কৰাৰ পিছতো কুলদীপে ক’বলৈ মান্তি নহ’ল। তেওঁ ক'লে, "কুলদীপে মোক বলিং কৰিব নিবিচাৰে। কেইবাবাৰো তাৰ বল নেটত খেলিবলৈ চেষ্টা কৰিলোঁ। কিন্তু মই বেট ধৰিলে কুলদীপে আৰু বল নকৰে। যেন এটা গোপন কথা লুকুৱাব বিচাৰে।’’
আগন্তুক টি-২০ বিশ্বকাপৰ কথা ভাবি এই কাম কৰিছে নেকি কুলদীপে? ষ্টাবছে ক'লে, "কুলদীপে কেতিয়াও তেনেকৈ একো কোৱা নাছিল। এইটোও এটা কাৰণ হ’ব পাৰে। ইয়াত আমি একেলগে খেলি আছো। কিন্তু মই বিশ্বকাপত প্ৰতিদ্বন্দ্বী হিচাপে খেলিম।’’
প্ৰটিয়াৰ সতীৰ্থগৰাকীয়ে কুলদীপক নেটত বলিং কৰাটো নিবিচাৰিলেও দিল্লী কেপিটেলছৰ মাজত কোনো বিতৰ্ক নাই যদিও ৰহস্যৰ সৃষ্টি হৈছে। দিল্লীৰ প্ৰশিক্ষক ৰিকি পণ্টিঙৰ মতে কুলদীপ এতিয়া বিশ্বৰ অন্যতম শ্ৰেষ্ঠ বাওঁহাতৰ স্পিনাৰ। জাতীয় স্বাৰ্থৰ বাবে ই নিজৰ যিকোনো বিশেষ অস্ত্ৰ লুকুৱাব পাৰে। হয়তো তেওঁ এই মুহূৰ্তত আন দেশৰ ক্ৰিকেটাৰক নিজৰ স্পিনৰ লগত অভ্যস্ত হ’বলৈ নিবিচাৰে। কাৰণ বলাৰসকলে সাধাৰণতে নেটত নতুন অস্ত্ৰ এটা চেষ্টা কৰে।
Continue Reading
