ডিজিটেল ডেস্কঃ প্ৰিয় ক্ৰিকেটাৰক প্ৰণাম কৰিবলৈ গৈছিল। আহমেদাবাদৰ এজন কলেজীয়া ছাত্ৰই সেয়ে শাস্তিৰ মুখামুখি হ’বলগীয়া হ’ল। শুকুৰবাৰে চেন্নাই ছুপাৰ কিংছ বনাম গুজৰাট টাইটানছৰ খেলৰ সময়ত খেলপথাৰত প্ৰৱেশ কৰে এজন যুৱকে। গৈ মহেন্দ্ৰ সিং ধোনীক প্ৰণাম কৰে। সেই কাৰণে তেওঁক গ্ৰেপ্তাৰ কৰা হ’ল।
এই ঘটনা সংঘটিত হৈছিল চেন্নাইৰ ইনিংছৰ শেষ অভাৰত। ধোনীয়ে তেতিয়া বেটিং কৰি আছিল। ৰিভিউৰ বাবে খেলখন কিছু সময়ৰ বাবে বন্ধ কৰি দিয়া হৈছিল। সেই সময়ত এজন যুৱকে বেৰৰ ওপৰেৰে উঠি পথাৰত প্ৰৱেশ কৰিলে। সি পোনে পোনে ধোনিৰ ফালে দৌৰি গ’ল। গৈ সেৱা কৰিলে। ধোনীয়ে অৱশ্যে তেওঁক আঁতৰাই নিদিলে। প্ৰণাম কৰাৰ পিছত ধোনীকো সাৱটি ধৰিলে।
এই ঘটনাৰ পিছত নিৰাপত্তাৰক্ষীয়ে গৈ যুৱকজনক টানি উলিয়াই লৈ যায়। জানিব পৰা মতে, যুৱকজনক অবৈধভাৱে পথাৰত প্ৰৱেশ কৰাৰ অপৰাধত গ্ৰেপ্তাৰ কৰা হৈছিল। তেওঁৰ নাম জয় ভাৰত। আহমেদাবাদৰ এখন কলেজত পঢ়িছিল।
Continue Reading
