ডিজিটেল ডেস্কঃ পৰাজয়েৰে আৰম্ভ হৈছিল আই পি এল। প্ৰথম মেচত চেন্নাই ছুপাৰ কিংছৰ বিৰুদ্ধে পৰাজয়। পৰৱৰ্তী মেচত পঞ্জাব কিংছৰ বিৰুদ্ধে জয়লাভ কৰাৰ পিছতো ৰয়েল চেলেঞ্জাৰছ বাংগালুৰু একেৰাহে ৬খন মেচত পৰাস্ত হয়। ভবা হৈছিল যে প্লে অফৰ দৌৰৰ পৰা বাহিৰ হোৱা প্ৰথমটো দল হ’ব আৰ চি বি। কিন্তু সেই দলটোৱে একেৰাহে পাঁচখন খেলত জয়লাভ কৰি পুনৰ প্লে অফৰ দৌৰত নামি পৰিছে। এই পৰিৱৰ্তন কেনেকৈ সম্ভৱ?
দেওবাৰে দিল্লী কেপিটেলছক ৪৭ ৰানত পৰাস্ত কৰে আৰচিবিয়ে। শেষৰখন খেল পুনৰ চেন্নাইৰ বিৰুদ্ধে। এই দলৰ বিৰুদ্ধে পৰাজয়ৰ পৰা আৰম্ভ হৈছিল আই পি এল। কেপ্তেইন ফাফ ডু প্লেছিছে বেংগালুৰুৰ পৰিৱৰ্তনৰ আঁৰৰ কাৰণ বুজাই দিলে। তেওঁ কয়- ''আত্মবিশ্বাস সলনি হৈছে। আৰম্ভণিতে আমি যুঁজিব লগা হৈছিল। পাঁচ-ছয়খন মেচত আমি উইকেট ল’ব পৰা নাছিলো। এতিয়া একেৰাহে তিনিখন মেচত বিপক্ষক অল আউট কৰিছো।’
কেৱল আত্মবিশ্বাসেই নহয়, ডুপ্লেছিৰ মতে আৰচিবিৰ ড্ৰেছিং ৰুমও সলনি হৈছে। তেওঁ কয়, ‘আমি খেলপথাৰত প্ৰৱেশ কৰাৰ আগতে বহুত কাম কৰিছিলো। বাস্তৱত সকলো ঠিক কৰি লোৱা। আমি পৰিকল্পনা অনুসৰি খেলিব পাৰো। আমি আমাৰ লক্ষ্য নিৰ্ধাৰণ কৰি আগবাঢ়িছো।’
Continue Reading
