আইপিএলত আৰু দেখা নাযাব কিয়েৰণ পোলাৰ্ডক! মুম্বাই ইণ্ডিয়ানছৰ পৰা বাদ পৰা পাছতে ঘোষণা কৰিলে অৱসৰৰ

ডিজিটেল ডেস্কঃ আইপিএলৰ পৰা অৱসৰ ল’লে কিয়েৰণ পোলাৰ্ডে। মুম্বাই ইণ্ডিয়ানছৰ অন্যতম শ্ৰেষ্ঠ ক্ৰিকেটাৰগৰাকীয়ে এই কথা ঘোষণা কৰিছে।

উল্লেখ্য যে সোমবাৰে মুম্বাই ইণ্ডিয়ানছৰ তৰফৰ পৰা জনোৱা হৈছিল যে পোলাৰ্ডক পৰৱৰ্তী আইপিএলৰ বাবে দলত ৰখা নহ’ব। তাৰপাছদিনাই পোলাৰ্ডে এখনি বিবৃত্তিৰ জৰিয়তে আইপিএলৰ পৰা অৱসৰ ঘোষণা কৰে।

তেওঁ জনায় যে মুম্বাইৰ বাদে আন কোনো দলত তেওঁ খেলাৰ কথা ভাবিব নোৱাৰে। পোলাৰ্ডৰ এই ঘোষণাৰ পাছতে মুম্বাই ইণ্ডিয়ানছৰ মেনেজমেণ্টে তেওঁ বেটিং কোচ হিচাপে দলটোত যুক্ত কৰিব।

আইপিএলৰ পৰা অৱসৰ ঘোষণা কৰি পোলাৰ্ডে লিখে- “মুম্বাই ইণ্ডিয়ানছৰ হৈ খেলিবলৈ এৰাৰ সিদ্ধান্ত লোৱা অত্যন্ত কঠিন আছিল। কিন্তু দলটো এটা পৰিবৰ্তনৰ মাজেৰে গৈছে। সেয়ে আইপিএলৰ পৰা অৱসৰ লৈছো।”

উল্লেখ্য যে কেইবাখনো মেচত মুম্বাই ইণ্ডিয়ানছক জয়ী কৰোৱা পোলাৰ্ডে দলটোৰ স’তে ১৩ বছৰ ধৰি জড়িত হৈ আহিছে। আইপিএলৰ ইতিহাসত অন্যতম শ্ৰেষ্ঠ খেলুৱৈ হিচাপে বিবেচনা কৰা হয় ৱেষ্ট ইণ্ডিজৰ অলৰাউণ্ডাৰগৰাকীৰ।