উৰ্বশী নহয়, এইবাৰ ঋষভ পণ্টৰ স’তে সাঙোৰ খাইছে দক্ষিণ ভাৰতৰ এইগৰাকী অভিনেত্ৰী! কোন তেওঁ?

ডিজিটেল ডেস্কঃ উৰ্বশী ৰাউতেলা নহয়, ঋষভ পণ্টৰ স’তে সাঙোৰ খাই পৰিছে আন এগৰাকী অভিনেত্ৰীহে! এইবাৰ ক্ৰিকেট তাৰকাগৰাকীৰ প্ৰেমত হাবু ডুবু খাইছে গীতিকা তিৱাৰী।

নিজৰ এখন ছৱি সামাজিক মাধ্যমত প’ষ্ট কৰি গীতিকাই লিখিছে যে হৃদয়ৰ আহ্বান শুনি তেওঁ অষ্ট্ৰেলিয়ালৈ যোৱা হ’লে, তেন্তে টি২০ বিশ্বকাপত পণ্টে সুন্দৰ প্ৰদৰ্শন কৰিব পাৰিলেহেঁতেন।

অভিনেত্ৰীগৰাকীৰ এই প’ষ্টটোৰ পাছতে ব্যাপক চৰ্চা হৈছে। প্ৰশ্ন উঠিছে- এইবাৰ নতুন প্ৰেমত মত্ত হৈছে নেকি ঋষভ পণ্ট?

কিন্তু কোন এই গীতিকা? তেলেগু চিনেমা জগতৰ নতুন মুখ তেওঁ। ইতিমধ্যে দুখনকৈ চিনেমাত অভিনয় কৰিছে গীতিকাই। ইনষ্টাগ্ৰামতো জনপ্ৰিয়তা লাভ কৰিছে তেওঁ।

সকলোতকৈ মজাৰ বিষয়টো হ’ল উৰ্বশী ৰাউতেলাৰ প্ৰথমখন তেলেগু ছৱিত গীতিকাইও অভিনয় কৰিছিল।

উল্লেখ্য যে যোৱা কেইবামাহ ধৰি উৰ্বশী আৰু ঋষভৰ বিষয়ে ব্যাপক চৰ্চা চলি আছে। ঋষভ পণ্ট সন্দৰ্ভত উৰ্বশীয়ে এটা বিস্ফোৰক ভাষ্য আগবঢ়োৱাৰ পাছতে বিষয়টোক লৈ সামাজিক মাধ্যম উত্তপ্ত হৈ পৰিছিল। কেইবাখনো ক্ৰিকেট মেচতো উৰ্বশীক গেলেৰীত দেখা পোৱা গৈছিল।

তেনে সময়তে নতুনকৈ এইদৰে আন এগৰাকী অভিনেত্ৰীয়ে ঋষভ পণ্টৰ স’তে যুক্ত হৈ পৰাটো লক্ষ্যণীয় হৈ পৰিছে।