ডিজিটেল ডেস্কঃ চাহ প্ৰেমীসকলে সকলো ধৰণৰ সোৱাদৰ চাহৰ সোৱাদ ল'বলৈ ভাল পায়। গাখীৰ চাহ, নেমু চাহ, মচলা চাহ, মালাই চাহ বা ৰঙা চাহ আৰু গ্ৰীণ টিও কম বেছি পৰিমাণে মানুহে ভাল পায়। কিন্তু আপুনি কেতিয়াবা 'ফলৰ চাহ' বা ফলৰে তৈয়াৰ কৰা চাহ খাইছে নেকি? এই চাহত চেনীৰ সলনি গোটেই ফলটো মিহলি কৰা হয়! ফলৰ চাহৰ সোৱাদ কেনেকুৱা? চাহৰ সোৱাদ আনিবলৈ এজন চাহ বিক্ৰেতাই ফল ব্যৱহাৰ কৰে। এই কথা সকলোৰে বাবে অজ্ঞাত হৈ থাকিলেহেঁতেন যদিহে এই ভিডিঅ'টো ছ'চিয়েল মিডিয়াত ভাইৰেল নহ'লহেঁতেন।
এই ভাইৰেল ভিডিঅ'টোত গুজৰাট চুৰটৰ এজন চাহ বিক্ৰেতাক ফলৰ সৈতে চাহ বনোৱা দেখা গৈছে। চাহ তৈয়াৰ কৰোঁতে, চেনীৰ সলনি, তেওঁ কিছুমান ফল যেনে আপেল, চিকু, কল ব্যৱহাৰ কৰে।এই চাহ কেনেদৰে তৈয়াৰ কৰা হয়? উতলা গাখীৰৰ চাহত গোটেই আপেল, চিকু, কলৰ টুকুৰা দি উতলাই দিয়া হৈছিল! শৰীৰৰ বাবে ক্ষতিকাৰক চেনীৰ পৰিৱৰ্তে, বিক্ৰেতাই গ্ৰাহকসকলৰ বাবে এনেদৰে ফলৰ চাহ বিক্ৰী কৰি আছে। নেটিজেনসকলে এই আকৰ্ষণীয় চাহ বনোৱা পদ্ধতি দেখি আচৰিত হৈছিল।ভিডিঅ'টো সামাজিক মাধ্যমত ভাইৰেল হৈ পৰিছে আৰু ২৫ লাখতকৈও অধিক লোকৰ ওচৰলৈ গৈছে।
যদিও নেটিজেনসকলৰ এটা অংশই এনে এক নতুন উদ্ভাৱন দেখি সুখী, বহুতো চাহ প্ৰেমীয়ে এনেদৰে চাহ বনোৱাৰ তীব্ৰ বিৰোধিতা কৰিছে। বহু লোকৰ মতে এই চাহ শৰীৰৰ বাবে ক্ষতিকাৰক। চাহ ভাৰতীয়সকলৰ বাবে এক আৱেগ। একাপ চাহে মানুহৰ ভাগৰ দূৰ কৰিব পাৰে। সেই চাহৰ সৈতে এনেধৰণৰ প্ৰয়োগ নকৰিবলৈ একাংশই আহ্বান জনাইছে। কিছুমানে ফলৰ চাহ দেখি সিহঁতে নাক কোচাইছে আৰু একাংশই এনে চাহ খাবলৈ আগ্ৰহ প্ৰকাশ কৰিছে।
Continue Reading
