ডিজিটেল ডেস্কঃ পুনৰ সজীৱ হৈ উঠিছে বলীউডৰ বাদশ্বাহ শ্বাহৰুখ খানৰ পুত্তৰ ড্ৰাগছ কাণ্ডৰ প্ৰসংগ। শ্বাহৰুখ খানৰ পুত্ৰ আৰিয়ান খানৰ ড্ৰাগছ গোচৰত চিবিআইয়ে শুকুৰবাৰে এনচিবিৰ প্ৰাক্তন বিষয়া সমীৰ ৱানখেডেক আটক কৰে। বিষয়াজনৰ বিৰুদ্ধে ড্ৰাগছ-অন-ক্ৰুজ গোচৰত শ্বাহৰুখ খানৰ পুত্ৰ আৰিয়ান খানক গ্ৰেপ্তাৰ নকৰাৰ বাবে ২৫ কোটি টকা উৎকোচ বিচৰা বুলি অভিযোগ উঠিছিল।
এনে অভিযোগৰ পিছতে তেওঁৰ সগতে আৰু আন চাৰিজনৰ বিৰুদ্ধে এজাহাৰ দাখিল কৰা হৈছিল। আৰিয়ান খানক ২০২১ চনৰ ২ অক্টোবৰত কৰ্ডেলিয়া ক্ৰুজ জাহাজত ড্ৰাগছ লগত ৰখাৰ অভিযোগত গ্ৰেপ্তাৰ কৰা হৈছিল। ড্ৰাগছ-অন-ক্ৰুজ গোচৰত অভিযোগনামা দাখিল কৰা এনচিবিয়ে আৰিয়ান খানক পিছত ক্লিন শ্বীট দিছিল। আনহাতে এছআইটিয়ে দাবী কৰিছিল যে ৱানখেডেৰ নেতৃত্বত চলা তদন্তত ত্ৰুটি আছিল।
এইবুলি অভিযোগ কৰা হৈছিল যে আইআৰএছ বিষয়া ৱানখেডে আৰু আনসকলে আৰিয়ান খানক ড্ৰাগছৰ গোচৰটোত গ্ৰেপ্তাৰ নকৰিবলৈ ২৫ কোটি টকা উৎকোচ দাবী কৰিছিল। চিবিআইয়ে তথ্য লাভ কৰিছিল যে বিষয়া জন আৰু তেওঁৰ সহযোগীয়ে আগতীয়াকৈ ৫০ লাখ টকা সংগ্ৰহ কৰিছিল।
আৰিয়ান খানক গ্ৰেপ্তাৰ কৰাৰ সময়ত মুম্বাইৰ নাৰ্কোটিক্স নিয়ন্ত্ৰণ ব্যুৰোৰ নেতৃত্ব দিয়া ৱানখেডেক যোৱা বছৰ মে’ মাহত চেন্নাইৰ কৰদাতা সেৱা সঞ্চালকালয়লৈ বদলি কৰা হৈছিল। চিবিআইয়ে ৱানখেডেক গ্ৰেপ্তাৰ কৰাৰ কোনো খবৰ অৱশ্যে এতিয়ালৈকে পোৱা হোৱা নাই।
Continue Reading
