ডিজিটেল ডেস্কঃ আজি ঘোষণা কৰা হৈছে চিবিএছইৰ দশম স্ৰেণীৰ পৰীক্ষাৰ ফলাফল। আজি ঘোষিত ফলাফলত চণ্ডীগড় অন্ধ বিদ্যালয়ৰ ভিতৰত টপাৰ হিচাবে পৰিগণিত হৈছে এগৰাকী অন্ধ ছাত্ৰী। নাম তেওঁৰ কাফি। চণ্ডিগড়ৰ ইনষ্টিটিউট অফ ব্লাইণ্ডৰ ১৫ বছৰীয়া ছাত্ৰী কাফি চিবিএছই দশম শ্ৰেণীৰ ফলাফলত ৯৫.২০ % নম্বৰ লাভেৰে বিদ্যালয়ৰ ভিতৰতে শীৰ্ষস্থানত আৰোহণ কৰিছে।
কাফি এগৰাকী এচিড আক্ৰমণৰ পৰা বাচি যোৱা কিশোৰী।মাত্ৰ তিনি বছৰ বয়সতে হিছাৰৰ বুধনা গাঁৱত বাস কৰা তিনিজন চুবুৰীয়াই ঈৰ্ষাৰ বাবেই কাফিক এচিডেৰে আক্ৰমণ কৰিছিল।ফলত কাফিৰ মুখ আৰু বাহু গুৰুতৰ ভাৱে জ্বলি গৈছিল, আৰু তেওঁ দৃষ্টিশক্তি হেৰুৱাই পেলাইছিল। ইমানৰ পিছতো কাফিয়ে হাৰ মানিব বিচৰা নাছিল আৰু তাইৰ সপোনবোৰ সফল কৰিবলৈ যুঁজ দি গৈছিল।
কাফিৰ দেউতাকে তেওঁক চিকিৎসাৰ বাবে দিল্লীৰ এইমছত ভৰ্তি কৰোৱাইছিল। চিকিৎসকে পৰিয়ালটোক কৈছিল যে কাফি গোটেই জীৱন অন্ধ হৈ থাকিব।কাফিৰ দেউতাকে ন্যায়ৰ বাবে যুঁজ দিছিল, আৰু আক্ৰমণকাৰীসকলক হিছাৰৰ জিলা আদালতে দুবছৰৰ শাস্তি প্ৰদান কৰিছিল। অৱশ্যে,শাস্তি সম্পূৰ্ণ কৰাৰ পিছত আক্ৰমণকাৰীসকল এতিয়া মুক্ত, যিটো কথাই কাফিৰ পৰিয়ালক আজিও চিন্তিত কৰি ৰাখিছে।
কাফিয়ে আঠ বছৰ বয়সতে হিছাৰৰ অন্ধ বিদ্যালয়ত পঢ়িবলৈ আৰম্ভ কৰিছিল। তেওঁ তাত তাইৰ প্ৰথম আৰু দ্বিতীয় শ্ৰেণী সম্পূৰ্ণ কৰিছিল, কিন্তু সুবিধাৰ অভাৱৰ বাবে, তেওঁৰ পৰিয়াল চণ্ডীগড়লৈ স্থানান্তৰিত হৈছিল। কাফিৰ দেউতাকে চুক্তিৰ ভিত্তিত চণ্ডিগড়ৰ সচিবালয়ত পিয়ন হিচাপে কাম কৰে।
প্ৰত্যাহ্বান আৰু সম্পদৰ অভাৱ স্বত্বেও কাফিৰ অধ্যয়নৰ প্ৰতি আগ্ৰহ কেতিয়াও হ্ৰাস পোৱা নাছিল। তাৰ ফল আজি তেওঁ পালে। কাফিৰ এতিয়া ইচ্ছা ভৱিষ্যতে এগৰাকী আইএএছ বিষয়া হোৱা।
Continue Reading
