ডিজিটেল ডেস্কঃ আজি আকাশত জিলিকি উঠিব ২০২২ বৰ্ষৰ শেষৰটো ছুপাৰ মুন। যোৱা মাহত যদি আপুনি ছুপাৰমুন চাবলৈ পোৱা নাছিল তেন্তে আজি পুনৰ আহিছে সেই সুযোগ। ২০২২ চনৰ ১১ আগষ্টত দেখা যাব বছৰৰ চতুৰ্থ আৰু শেষ ছুপাৰমুন। ইয়াক ষ্টাৰ্জন মুন বুলিও কোৱা হয়। বৃহস্পতিবাৰে সমগ্ৰ বিশ্বতে ইয়াক দেখা যাব। ইয়াৰ পূৰ্বে দুটা ছুপাৰমুন দেখা গৈছে। ইয়াৰ নাম আছিল ষ্ট্ৰবেৰী মুন আৰু থাণ্ডাৰ মুন।
পূৰ্ণিমাৰ নিশা দেখা যাব ষ্টাৰজিন ছুপাৰমুন। নিশা প্ৰায় ০১:৩৬ জিএমটিত ছুপাৰমুন শিখৰত উপনীত হ’ব। বুধবাৰৰ পৰা শুকুৰবাৰলৈ চন্দ্ৰটোক পূৰ্ণ উজ্জ্বলতা আৰু পূৰ্ণতাৰে দেখা যাব। চন্দ্ৰৰ পৰিৱৰ্তন অতি লেহেমীয়া হ’ব, যাৰ বাবে ইয়াক পূৰ্ণিমাৰ দৰে দেখা যাব।
১২ আগষ্টত ভাৰতত দেখা যাব শেষ ছুপাৰমুন। টেলিস্কোপ বা সঁজুলিৰ সহায় নোলোৱাকৈয়ে ভাৰতৰ মানুহে এই বিৰল আকাশী পৰিঘটনাটো পোনপটীয়াকৈ নিজ চকুৰে চাব পাৰিব। আগষ্ট মাহত দেখা পোৱা পূৰ্ণিমাক ষ্টাৰ্জন মুন বোলা হয় কাৰণ আগষ্ট মাহত উত্তৰ আমেৰিকাত ষ্টাৰ্জন মাছ পোৱা যায়।
চন্দ্ৰ পৃথিৱীৰ পৰা ৩,৬০,০০০ কিলোমিটাৰ বা তাতকৈ কম দূৰত্বত থাকিলে এটা ছুপাৰমুন দেখা যায়। ১৯৭৯ চনত জ্যোতিষী ৰিচাৰ্ড নলে ইয়াক প্ৰথমবাৰৰ বাবে ছুপাৰমুন নামেৰে নামাকৰণ কৰিছিল। বছৰত ৩ৰ পৰা ৪ বাৰকৈ ছুপাৰমুন হয়। আজিৰ দিনটোত চন্দ্ৰ পৃথিৱীৰ আটাইতকৈ ওচৰত থাকে। সেইবাবেই ইয়াক ডাঙৰ আৰু ১৬ শতাংশ উজ্জ্বল দেখা যায়। ছুপাৰমুন প্ৰভাৱ সাগৰতো দৃষ্টিগোচৰ হ’ব। ছুপাৰমুনৰ বাবে সাগৰত বৃহৎ পৰিসৰৰ উচ্চ আৰু নিম্ন জোৱাৰ দেখা যায়।
Continue Reading
