ডিজিটেল ডেস্কঃ আজি ১ জুলাই ৷ আজিৰ দিনটোত পালন কৰা হয় ৰাষ্ট্ৰীয় চিকিৎসক দিৱস ।চিকিৎসক আৰু পশ্চিমবংগৰ দ্বিতীয় মুখ্যমন্ত্ৰী ড০ বিধান চন্দ্ৰ ৰায়ৰ প্ৰতি সন্মান প্ৰদৰ্শনেৰে ১৯৯১ চনৰ ১ জুলাইৰ পৰাই ভাৰতত এই দিৱস চিকিৎসক দিৱসৰূপে পালন কৰি আহিছে৷ ডা° বিধান চন্দ্ৰ ৰয় আছিল একেধাৰে এজন শিক্ষাবিদ, সমাজকৰ্মী আৰু স্বাধীনতা সংগ্ৰামী। ১৯৬১ চনত তেওঁ ভাৰত ৰত্নৰে সন্মানিত কৰা হৈছিল।
চিকিৎসকসকল আমাৰ সমাজৰ এৰাব নোৱাৰা অংগ । তেওঁলোকৰ সেৱাৰ মনোভাৱ, অৱদান আৰু সমাজৰ বাবে কৰা ত্যাগক স্বীকৃতি আৰু সন্মান জনোৱাৰ লগতে নতুন প্ৰজন্মক এই উন্নত বৃত্তি গ্ৰহণ কৰিবলৈ অনুপ্ৰাণিত কৰাৰ বাবে ৰাষ্ট্ৰীয় চিকিৎসক দিৱস পালনৰ তাৎপৰ্যতা আছে ৷
ডা° বিধান চন্দ্ৰ ৰায়ৰ স্মৃতিত ভাৰতীয় চিকিৎসা সংস্থাই চিকিৎসা বিজ্ঞান, বিজ্ঞান, দৰ্শন, জনসংযোগ, কলা আৰু সাহিত্যত অৰিহণা যোগোৱা বিশিষ্ট ব্যক্তিলৈ আগবঢ়াই আহিছে। ভাৰতৰ মাননীয় ৰাষ্ট্ৰপতিগৰাকীয়ে প্ৰতি বছৰে ১ জুলাই অৰ্থাৎ ৰাষ্ট্ৰীয় চিকিৎসক দিৱসত এই বঁটা প্ৰদান কৰে।
চিকিৎসকসকলে সমাজত গুৰুত্বপূৰ্ণ ভূমিকা গ্ৰহণ কৰে। ৰোগীৰ চিকিৎসা আৰু সহায়ৰ বাবে তেওঁলোকে নিজৰ সমগ্ৰ জীৱন উৎসৰ্গা কৰে। জৰুৰীকালীন অৱস্থা আৰু ক'ভিড-১৯ মহামাৰীৰ সময়ত আমাৰ মেডিকেল পেছাদাৰী (চিকিৎসক-নাৰ্ছ) সকলৰ অৱদান কোনেও পাহৰিব নোৱাৰে, আৰু তেওঁলোকে এতিয়াও ক'ৰোনাৰ বিৰুদ্ধে যুঁজি আছে।
সেয়ে আজিৰ এই বিশেষ দিনটোত সকলো সন্মানীয় জীৱন ৰক্ষাকাৰী,পেছাদাৰী, লগতে চিকিৎসক হোৱাৰ পথত আগবাঢ়ি যোৱাসকলক, ২০২২ চনৰ ৰাষ্ট্ৰীয় চিকিৎসক দিৱসৰ শুভেচ্ছা জনাইছো।
Continue Reading
