--°C
Loading...
Listen to Article
2 min read
80%
ডিজিটেল ডেস্কঃ আজি গীতা জয়ন্তী। এক কথাত ক'বলৈ গ'লে আজি গীতাৰ জন্মদিন। কুৰুক্ষেত্ৰত মহাভাৰত যুদ্ধৰ সময়ত ভগৱান শ্ৰীকৃষ্ণই অৰ্জুনৰ আগত হিন্দু ধৰ্মৰ পবিত্ৰ শাস্ত্ৰ ভাগৱত গীতা প্ৰকাশ কৰা দিনটোক গীতা জয়ন্তী হিচাপে উদযাপন কৰা হয়। এই দিনটো মাৰ্গশিৰ্ষ শুক্লপক্ষ মাহৰ একাদশী তিথিত পৰে। সনাতন ধৰ্ম বিশ্বাস অনুসৰি আজিৰ দিনটোতে ভগৱান শ্ৰীকৃষ্ণই তেওঁৰ পৰম শিষ্য অৰ্জুনক গীতাৰ বাণী শুনাইছিল। সেয়েহে এই দিনটো গীতা জয়ন্তী পালন কৰা হয়। গীতা জয়ন্তীৰ দিনা সমগ্ৰ শ্ৰীমদ্ভাগৱত গীতা পঢ়িলে ইতিবাচক ফলাফল পোৱা যায়।

গীতা হিন্দু ধৰ্মৰ এখন পবিত্ৰ গ্ৰন্থ। গীতাৰ উপদেশত সমস্ত জীৱনৰ সাৰাংশ লুকাই আছে। প্ৰতি বছৰে আঘোণ মাহৰ শুক্লা পক্ষৰ একাদশী তিথিত গীতা জন্ম বাৰ্ষিকী উদযাপন কৰা হয়। পৌৰাণিক মান্যতা অনুসৰি মোক্ষদা একাদশী তিথিতেই দ্বাপৰ যুগত কুৰুক্ষেত্ৰৰ যুদ্ধৰ সময়ত ভগৱান কৃষ্ণই তেওঁৰ শিষ্য অৰ্জুনক গীতাৰ উপদেশ দিছিল।

এই কাৰণেই প্ৰত্যেক বছৰে মাৰ্গশীৰ্ষ মাহৰ শুক্লা পক্ষৰ একাদশী তিথিক গীতা জয়ন্তী হিচাপে উদযাপন কৰা হয়। এইখনেই এনেকুৱা এখন গ্ৰন্থ যাৰ জয়ন্তী উদযাপন কৰা হয়। গোটেই পৃথিৱীতে আৰু ক'তো এনেদৰে গ্ৰন্থৰ জয়ন্তী উদযাপন কৰা নহয়।

গীতাৰ উপদেশত মোহৰ ক্ষয় অৰ্থাৎ সমাপ্তিৰ কথা কৈছে। সেইকাৰণে এই দিনটোত পৰা একাদশীক মোক্ষদা বুলি কোৱা হয়।শ্ৰীমদ ভগৱৎ গীতাত ভগৱান কৃষ্ণই অৰ্জুনৰ,মহাভাৰতৰ যুদ্ধৰ সময়ত মনত জন্ম হোৱা ভ্ৰম আঁতৰ কৰি, জীৱনটো সুখী আৰু সফল কৰাৰ উপদেশ দিছিল।

শ্ৰীমদ্ভাগৱত গীতাই মানৱ জীৱনৰ ৰহস্যৰ বৰ্ণনা কৰিছে; ইয়াৰ লগতে শ্ৰীমদ্ভাগৱত গীতাত কৰ্মযোগ, ভক্তি যোগ আৰু জ্ঞান যোগৰ বিষয়ে বিতংভাৱে ব্যাখ্যা কৰা হৈছে। গতিকে গীতা পঢ়িলে জীৱনৰ সকলো ৰহস্য উন্মোচিত হয়। গীতা পাঠ কৰাজনে কেতিয়াও কোনো অন্যায় নকৰে বা বিপথে পৰিচালিত নহয়, বৰঞ্চ ঈশ্বৰ ভক্তিত মগ্ন হৈ জীৱন সফল কৰি তোলে। শ্ৰীমদ্ভাগৱত গীতাৰ মুঠ ৭০০টা শ্লোক আছে আৰু ১৮টা অধ্যায় আছে।

গীতা এনে এক মহাপুৰাণ, য’ত এজন ব্যক্তিৰ কৰ্মৰ গুৰুত্বৰ বিষয়ে কোৱা হয়। গীতাত এনে শিক্ষাৰ কথা লিখা আছে, যিবোৰ কুৰুক্ষেত্ৰৰ যুদ্ধৰ সময়ত শ্ৰীকৃষ্ণই অৰ্জুনক দিছিল। শাস্ত্ৰজ্ঞসকলে কয় যে ভাগৱত গীতাৰ কিছুমান কথা বুজিলে আৰু পালন কৰিলে মানুহৰ জীৱন সফল আৰু সুখী হয়। আপোনালোকক জনাও যে গীতাত কৰ্ম, জ্ঞান যোগ, ৰাজ আৰু ভক্তি যোগৰ কথা অতি সুন্দৰকৈ উল্লেখ কৰা হৈছে। জীৱনক সুখী আৰু সহজ কৰি তোলাৰ ৰহস্য গীতাৰ শ্লোকত লুকাই আছে। সেইবোৰৰ অৰ্থ বুজি আৰু সেইবোৰ অনুসৰণ কৰি এজন ব্যক্তিয়ে নিজৰ জীৱনটো সুখী কৰি তুলিব পাৰে।

ভক্তিৰে গীতা পাঠ কৰি সকলো আভ্যন্তৰীণ অশুদ্ধি আৰু বিকাৰ দূৰ কৰিলে ভগৱান শ্ৰীকৃষ্ণ আপোনাৰ হৃদয়ত বাস কৰে। কিন্তু আবৃত্তিৰ সময়ত যদি বিশ্বাস আৰু ভক্তিৰ অভাৱ হয়, তেন্তে ই কোনো কামত নহ’ব। গীতা শ্লোকে মনৰ শান্তি আনে আৰু আধ্যাত্মিক বৃদ্ধিৰ প্ৰসাৰ ঘটায়। গীতা জয়ন্তীৰ দিনা গীতা পাঠ বিশেষভাৱে তাৎপৰ্যপূৰ্ণ। ই হাজাৰ হাজাৰ অশ্বমেধ যজ্ঞ কৰাৰ সমান ফল দিয়ে বুলি বিশ্বাস কৰা হয়, যাৰ আশীৰ্বাদ চিৰস্থায়ী হয়। আন্তৰিকতাৰে গীতা পাঠ কৰিলে ভগৱান শ্ৰীকৃষ্ণৰ পৰম ভক্ত হৈ পৰে আৰু তেওঁৰ আত্মাৰ মোক্ষ বা মুক্তিৰ পথ প্ৰশস্ত হৈ পৰে। আজিৰ দিনটোত গীতা পাঠ কৰাৰ লগতে গীত উপহাৰ দিয়াটোও অতি শুভ।

FOLLOW US F
POPULAR
FEATURE
TRENDY
নিজকে অপহৰণ হোৱা বুলি জেষ্ঠ ভাতৃক দাৱী কৰিলে ধন ; আৰক্ষীৰ জালত ৰঙিয়াৰ এজন যুৱক
হাইদৰ হুছেইনক সাক্ষাৎ কেন্দ্ৰীয় মন্ত্ৰী সৰ্বানন্দ সোণোৱালৰ
গুৱাহাটীত ৩০ ছেপ্টেম্বৰত উদ্বোধনী মেচ
বাংলাদেশী সংবাদ মাধ্যমক আৱামী লীগক বৰ্জনৰ নিৰ্দেশ ইউনুছ চৰকাৰৰ
অবৈধ সম্পৰ্কৰ পৰিণতি! স্বামী নথকা মহিলাৰ ঘৰত সোমাই থকা অৱস্থাত বিপদত পৰিল দিলদাৰ
গাজাক দুর্ভিক্ষস্থলী ঘোষণা ৰাষ্ট্ৰসংঘৰ
এগুণক দুগুণ টকা দিয়াৰ প্ৰলোভন দেখুৱাই নকল টকাৰ ৰমৰমীয়া ব্যৱসায়
২১ ছেপ্টেম্বৰত পোন প্ৰথমবাৰৰ বাবে টীয়কত অনুষ্ঠিত হ'ব অসম লেখিকা সমাজৰ  'সখিয়তী সন্মিলন'
১০ ছেকেণ্ডৰ বাবে ১৬ লাখ টকা...এছিয়া কাপত ভাৰতৰ খেলসমূহৰ বিজ্ঞাপনৰ হাৰ সৰ্বাধিক
আজিৰ পৰা কৰিব নোৱাৰিব পান কাৰ্ড সম্পৰ্কীয় কোনো কাম ! আয়কৰ বিভাগৰ বিশেষ জাননী
অৱশেষত 'অপাৰেশ্যন সিন্দূৰ'ত ক্ষতিৰ আনুষ্ঠানিক স্বীকাৰ পাকিস্তানৰ
'অনসুনী চীখে'লৈ শ্রেষ্ঠ সামাজিক বার্তাবাহী ছবিৰ সন্মান
কিস্তৱাড়ত ডাৱৰ বিস্ফোৰণৰ ঘটনা, মৃতকৰ সংখ্যা ৬০জনলৈ বৃদ্ধি, ৮২জন এতিয়াও সন্ধানহীন
জামুগুৰিহাটত ১৫নং ৰাষ্ট্ৰীয় ঘাইপথৰ কদর্য ৰূপ