আজি অন্ত পৰিব বিধানসভাৰ শীতকালীন অধিৱেশন: গামোচা পিন্ধি সদনত শাসক-বিৰোধী

ডিজিটেল ডেস্ক : আজি অন্ত পৰিব বিধানসভাৰ শীতকালীন অধিৱেশন৷ সজাই-পৰাই তোলা হৈছে অসম বিধানসভাৰ চৌহদ৷ না না ৰঙী ফুল, কাৰ্পেড লগোৱা হৈছে বিধান সভাৰ ভিতৰে বাহিৰে৷ ৫ দিন জোৰা কাৰ্যসূচীৰপাছত আজি অন্ত পৰিব শীতকালীন অধিৱেশন৷ গামোচা পিন্ধি শাসক-বিৰোধী উভয় পক্ষৰ বিধায়ক উপস্থিত হয় সদনত৷ লোকসভাৰ অধ্যক্ষ ওম বিৰলাৰ আগমনক লৈয়ে সদনত এই ব্যৱস্থা কৰা হৈছে বুলি জানিবলৈ পোৱা গৈছে৷

নতুন শিক্ষানীতি সন্দৰ্ভত আজি সদনত হ’ব আলোচনা৷ আজিও সদনত উত্থাপন হ’ব নতুন বিধেয়ক৷ শেহতীয়াকৈ প্ৰসংগত থকা বড়ো আন্দোলনৰ ছহিদৰ আৰ্থিক সাহায্যৰ কথাও উত্থপন বুলি জানিবলৈ পোৱা গৈছে৷ আনহাতে ছমাহৰ ভিতৰত প্ৰস্তুত হ'ব জলসিঞ্চন বিভাগৰ মাষ্টাৰ প্লেন৷ শিবু মিশ্ৰৰ পৰিপূৰক প্ৰশ্নৰ উত্তৰত সদনত এই তথ্য সদৰী কৰে মন্ত্ৰী অশোক সিংঘালে৷ সময় মতে কৃষকক পানী যোগানৰ স্বাৰ্থতে এই সিদ্ধান্ত গ্ৰহণ কৰিছে চৰকাৰে৷

স্বাস্থ্যখন্ডলৈ অমূল পৰিবৰ্তন হ'ব বুলি জানিবলৈ পোৱা গৈছে৷ পৰ্যায় ক্ৰমে ৰাজ্যৰ সকলো উপ-স্বাস্থ্য কেন্দ্ৰলৈ বিচনা প্ৰদান কৰিব৷ সদৰী কৰা তথ্য অনুসৰি, বৰ্তমানে ৰাজ্যত আছে ৪,৬২১ টা উপ-স্বাস্থ্য কেন্দ্ৰ৷ ইয়াৰে প্ৰথম পৰ্যায়ত সামৰি লোৱা হ'ব ২,২০২ টা উপস্বাস্থ কেন্দ্ৰ৷ ৰাজ্যত স্থাপন কৰা হ'ব ১ হাজাৰ বুনিয়াদী স্বাস্থ্য কেন্দ্ৰও৷ ১০ খন বিচনাযুক্ত হ'ব বুনিয়াদী স্বাস্থ্য কেন্দ্ৰসমূহ৷ সদনত এই তথ্য সদৰী কৰে স্বাস্থ্য মন্ত্ৰী কেশৱ মহন্তই৷