ডিজিটেল ডেস্ক: শনিবাৰে অৰ্থাৎ আজি বলীউডৰ অভিনেতা ৰাজকুমাৰ ৰাওৱে ৪০ বছৰীয়া জন্মদিন উদযাপন কৰিছে । তেওঁৰ বিশেষ দিনটোত অনুৰাগী সকলৰ বাবেও এটা সুন্দৰ দিন কাৰন এই বিশেষ দিনটোতে অভিনেতাজনে নিজৰ ছ’চিয়েল মিডিয়া হেণ্ডেলত তেওঁৰ আগন্তুক ছবি ‘‘মালিক’’ৰ পোষ্টাৰ শ্বেয়াৰ কৰে ৷ লগতে ছবিখনৰ শ্বুটিং ইতিমধ্যে আৰম্ভ হোৱা বুলিও প্ৰকাশ কৰে ।
এই ছবিখন পৰিচালনা কৰিছে পুলকিতে আৰু কুমাৰ তৌৰানী আৰু জয় শ্বেৱাক্ৰামনিয়ে টিপছ ফিল্মছ আৰু নৰ্দাৰ্ণ লাইটছ ফিল্মছৰ বেনাৰত প্ৰযোজনা কৰিছে । শনিবাৰে শ্বেয়াৰ কৰা পোষ্টাৰখনে ৰাওৰ চৰিত্ৰটো এক অন্ধকাৰ বা বিদ্ৰোহী হোৱাৰ ইংগিত দিছে, যদিও ছবিখনৰ কাহিনীৰ বিৱৰণ গোপনে ৰখা হৈছে ৷
ছ’চিয়েল মিডিয়াত পোষ্টাৰ শ্বেয়াৰ কৰি ৰাজকুমাৰ ৰাওৱে লিখিছে, "মালিক কি দুনিয়া মে আপকা স্বাগত হে । দৃশ্যগ্ৰহণ আৰম্ভ হৈছে, অতি সোনকালে আপোনালোকক লগ পাম !" এই ঘোষণাই নিশ্চিতভাৱে তেওঁৰ অনুৰাগীসকলৰ মাজত আগ্ৰহ জগাই তুলিছে, কম সময়ৰ ভিতৰতে এই পোষ্টটোৱে হাজাৰ হাজাৰ লাইক আৰু কমেণ্ট লাভ কৰিছে ।
এই ছবিখনত ৰাজকুমাৰ ৰাওক প্ৰথমবাৰৰ বাবে গেংষ্টাৰৰ চৰিত্ৰত দেখা যাব। উল্লেখ্য যে ভাৰতৰ বহু স্থানত ছবিখনৰ দৃশ্যগ্ৰহণ কৰা হ’ব। অৱশ্যে ৰাজকুমাৰ ৰাওৰ ‘মালিক’ ছবিখনৰ মুক্তিৰ তাৰিখ এতিয়াও ঘোষণা কৰা হোৱা নাই।
