ৰাজস্থানত উপ-নিৰ্বাচনৰ ফল ঘোষণা; ভজনলাল মন্ত্ৰীসভাৰ মন্ত্ৰীৰ কৰণপুৰত পৰাজয়

২০২৩ চনৰ নৱেম্বৰ মাহত যেতিয়া ৰাজস্থানত বিধানসভাৰ নিৰ্বাচন অনুষ্ঠিত হৈছিল, তেতিয়া মুঠ ২০০খন বিধানসভাৰ আসনৰ ভিতৰত ১৯৯খন বিধানসভাৰ আসনতহে নিৰ্বাচন অনুষ্ঠিত হৈছিল। শ্ৰীগংগা নগৰৰ এখন আসন কৰণপুৰত নিৰ্বাচন অনুষ্ঠিত কৰিব পৰা নগ’ল, কাৰণ ইয়াৰ পৰা কংগ্ৰেছ বিধায়ক তথা ২০২৩ চনৰ বিধানসভা নিৰ্বাচনৰ কংগ্ৰেছ প্ৰাৰ্থী গুৰমীত সিং কুন্নাৰৰ হঠাৎ মৃত্যু হয়। তেতিয়ালৈকে বিধানসভা নিৰ্বাচনৰ অধিসূচনা জাৰি হৈ নিৰ্বাচনী প্ৰচাৰ আৰম্ভ হৈছিল।

ইয়াৰ বাবেই নিৰ্বাচন আয়োগে সেই আসনত নিৰ্বাচন পিছুৱাই দিলে। নিৰ্বাচনৰ নতুন তাৰিখ নিৰ্ধাৰণ কৰে নিৰ্বাচন আয়োগে। তাৰ পাছত ২০২৪ চনৰ ৫ জানুৱাৰীত প্ৰয়াত কংগ্ৰেছ বিধায়ক গুৰমীত সিং কুন্নাৰৰ পুত্ৰ ৰূপিন্দৰ সিঙক এই নিৰ্বাচনত কংগ্ৰেছৰ প্ৰাৰ্থী হিচাপে টিকট দিয়া হয়।

ইফালে ১৯৯খন আসনৰ ফলাফল ঘোষণা কৰা হয়, য’ত বিজেপিয়ে ১১৫খন আসনত লাভ কৰে আৰু কংগ্ৰেছে মাত্ৰ ৬৯খন আসনহতহে জয়লাভ কৰে। এই বৃহৎ জয়ৰ পাছত ১৫ ডিচেম্বৰত বিজেপিয়ে ভজনলাল শৰ্মাক মুখ্যমন্ত্ৰী হিচাপে নিযুক্তি দিয়ে। ভজনলাল শৰ্মাই মন্ত্ৰীসভা সম্প্ৰসাৰণ কৰি বিধায়ক হিচাপে নথকা নেতা এজনক মন্ত্ৰী কৰি তুলিলে। তেওঁৰ নাম আছিল সুৰেন্দ্ৰপাল সিং টি টি।

এতিয়া সুৰেন্দ্ৰ পাল সিং টি টি মন্ত্ৰী হৈ থাকিবলৈ বিধায়ক হোৱাৰ প্ৰয়োজন আছিল। ছমাহৰ ভিতৰত ৰাজস্থানৰ যিকোনো আসনৰ পৰা পালে নিৰ্বাচনত জয়ী হোৱাটো প্ৰয়োজনীয় আছিল, কাৰণ ৰাজস্থানত কোনো বিধান পৰিষদ নাই। এনে পৰিস্থিতিত যেতিয়া কৰণপুৰ বিধানসভাৰ আসনত নিৰ্বাচন অনুষ্ঠিত হ’ব লাগিছিল তেতিয়া বিজেপিয়ে সুৰেন্দ্ৰপাল সিঙক তাৰ পৰাই নিজৰ প্ৰাৰ্থী কৰি লৈছিল যাতে তেওঁ জয়ী হৈ মন্ত্ৰী পদত থাকিব পাৰে।

কংগ্ৰেছেও এই সন্দৰ্ভত আপত্তি উত্থাপন কৰি কয় যে আজিলৈকে ইতিহাসত এনেকুৱা হোৱা নাই যে বিধানসভা নিৰ্বাচনত জয়ৰ পূৰ্বেই এজনক মন্ত্ৰী বনোৱা হৈছে আৰু পাছত মন্ত্ৰীজনক প্ৰাৰ্থী কৰি দিয়া হৈছে। কংগ্ৰেছেও ইয়াক আচৰণ বিধি উলংঘা বুলি অভিহিত কৰিছিল যদিও বিজেপিয়ে প্ৰাৰ্থী সলনি নকৰিলে।

এনে পৰিস্থিতিত ৫ জানুৱাৰীত ভোটদান হৈছিল। ৮১ শতাংশতকৈ অধিক ভোটদান হৈছিল। তাৰ পাছত ৮ জানুৱাৰীত অহা ফলাফলত পোহৰলৈ আহিল যে যি বিধানসভা নিৰ্বাচনত বিজেপিয়ে নিজৰ মন্ত্ৰী সুৰেন্দ্ৰ পাল সিং টি টি প্ৰক্ষেপ কৰিছিল, সেই নিৰ্বাচনত মন্ত্ৰীগৰাকীয়ে কংগ্ৰেছ প্ৰাৰ্থী ৰূপিন্দৰ সিঙৰ হাতত ১২ হাজাৰ ভোটত পৰাস্ত হৈছিল। এনে পৰিস্থিতিত মাত্ৰ ১০ দিন পূৰ্বে মন্ত্ৰী হোৱা সুৰেন্দ্ৰ পাল সিং টি টিয়ে এতিয়া হয় আন এখন বিধানসভাৰ আসনৰ পৰা নিৰ্বাচনত জয়ী হ’ব লাগিব নহয় ছমাহ পাৰ হোৱাৰ পাছত মন্ত্ৰী পদৰ পৰাও পদত্যাগ কৰিব লাগিব৷কিন্তু সুৰেন্দ্ৰ পাল সিঙৰ বাবে এই আঘাত যিমানেই ডাঙৰ, বিজেপিৰ বাবে আৰু ডাঙৰ আঘাত, কাৰণ চৰকাৰ গঠনৰ পিছত এইটোৱেই আছিল প্ৰথমটো নিৰ্বাচন য’ত দলৰ বিশ্বাসযোগ্যতা বাজিত পৰিছিল আৰু এই পৰাজয়ে প্ৰশ্ন উত্থাপন কৰিছিল বিজেপিৰ বিশ্বাসযোগ্যতাৰ ওপৰত।