আকাশমাৰ্গত খোল নাখালে পেৰাচ্যুট! বিমানৰ পৰা জাঁপ দিয়া ভাৰতীয় সেনাৰ কমাণ্ডােৰ কৰুণ মৃত্যু

ৰামচৰণ পাচৌৰী আছিল ইউ পি আৰক্ষীৰ উপ-পৰিদৰ্শক। তেওঁৰ সৰু পুত্ৰ সুৰজপাল পচৌৰী পাৰা কমাণ্ডোত কনিষ্টবল আছিল। ২০০৯ চনত তেওঁক ভৰ্তি কৰা হৈছিল। জম্মু-কাশ্মীৰকে ধৰি বহু ঠাইত বসবাস কৰি অহা সুৰজপালক শেহতীয়াকৈ আগ্ৰাত পোষ্টিং দিয়া হৈছিল। কেইদিনমান আগতে তেওঁ সামৰিক অনুশীলনৰ বাবে লেহ-লাডাখলৈ গৈছিল। তাতে যেন তেওঁৰ বাবে মৃত্যু ৰৈ আছিল। প্ৰশিক্ষণৰ সময়তে তেওঁ অন্য জােৱানৰ সৈতে বিমানৰ পৰা জাঁপ দিয়ে যদিও দুৰ্ভাগ্যক্ৰমে তেওঁৰ পেৰাচ্যুট কাৰিকৰী বিজুতিৰ বাবে খোল নোখোৱাত প্ৰাণ হেৰুৱাবলগীয়া হয় জােৱানজনে। সুৰজপাল পচৌৰীয়ে ইহ সংসাৰত মাতৃ ভগৱতী দেৱী, পত্নী জ্যোতি শৰ্মাকে ধৰি পাঁচ বছৰীয়া কন্যা তনয়া, তিনিবছৰীয়া কন্যা কাব্য আৰু ডেৰ বছৰীয়া পুত্ৰ শৌৰ্যক এৰি থৈ গৈছে। ২০১৪ চনত মথুৰাৰ জ্যোতি শৰ্মাৰ সৈতে বিবাহপাশত আবদ্ধ হৈছিল সুৰজপাল পচৌৰী।

আত্মীয়ই জনোৱা মতে, সূৰজপাল পেৰা কমাণ্ডো হিচাপে অতি পাকৈত আছিল। দুবছৰ পূৰ্বে সৰ্বোচ্চ উচ্চতাৰ পৰা জপিয়াই তেওঁ এই অভিলেখ গঢ়িছিল। সামৰিক মৰ্যাদাৰে জন্মভূমিত সুৰজপাল পচৌৰী শেষকৃত্য সম্পন্ন কৰা হয়।