ডিজিটেল ডেস্কঃ শোৱাৰ পৰা সাৰ পাই উঠি যদি আপুনি দেখে যে আপোনাৰ কাষত এডাল প্ৰচণ্ড সাপেও শুই আছে, কেনে লাগিব আপোনাৰ? নিশ্চয় হতবাক হৈ পৰিব! কিন্তু এই অভিজ্ঞতা লাভ কৰিছে এজন ব্যক্তিয়ে। ইতিমধ্যে সামাজিক মাধ্যমত এখনি ফটো ভাইৰেল হৈ পৰিছে।
থাইলেণ্ডৰ দাচা ব্যক্তিজনে এখন জংঘলৰ মাজত কেম্পিং কৰি আছিল। এদিন শুই উঠি সাৰ পাই তেওঁ দেখে যে তম্বুৰ পৰা এডাল প্ৰকাণ্ড সাপ উলাই গৈছে। তেওঁ সাপটোৰ এখন ফটো তুলি ছচিয়েল মিডিয়াত প্ৰকাশ কৰিলে। সেই ছবিখন দেখি নেটিজেনসকল অবাক হৈ পৰিল! নেটিজেনসকলৰ মতে, এই সাপটো অতি বিষাক্ত প্ৰজাতিৰ! ভাগ্যক্ৰমেহে ব্যক্তিজনে সাপটোৰ পৰা বাচি আহিল।
সাপটো সাধাৰণ প্ৰজাতিৰ নাছিল। নেটিজেনসকলৰ মতে, সাপটো এটা অত্যন্ত বিষাক্ত স্পিটিং কোব্ৰা। ইয়াক কোব্ৰা প্ৰজাতিৰ ভিতৰত আটাইতকৈ বিষাক্ত বুলি গণ্য কৰা হয়। এই সাপৰ এটা কামোৰত যিকোনো জন্তুৰ মৃত্যু অনিবাৰ্য। কেৱল কামোৰাই নহয়, দূৰৰ পৰাও ই বিহ নিক্ষেপ কৰিব পাৰে। এই ভয়ানক সাপটোৱে থুই পেলোৱাৰ দৰে বিহ ছটিয়াব পাৰে।
কিন্তু দাচা নামৰ ব্যক্তিজনৰ ভাগ্যত মৃত্যু লিখা নাছিল। সেয়ে এনেকুৱা বিষাক্ত সাপৰ স’তে উৰে ৰাতি কটোৱাৰ পাছতো জীয়াই থাকিল। সেইকাৰণে বহুলোকে দাচাক পৃথিৱীৰ আটাইতকৈ ভাগ্যৱান ব্যক্তি বুলি অভিহিত কৰিছে।
Continue Reading
