ডিজিটেল ডেস্কঃ আমেৰিকাত পুনৰ বন্দুকধাৰীৰ সন্ত্ৰাস৷ ডেচ মইনছৰ এটা যুৱ প্ৰশিক্ষণ কেন্দ্ৰত দুৰ্বৃত্তই সংঘটিত কৰা গুলীচালনাৰ ঘটনাত দুজন ছাত্ৰসহ তিনিজন লোক আহত হয়।ইয়াৰে দুজন ছাত্ৰৰ পিছত মৃত্যু ঘটে৷ ঘটনাৰ বিৱৰণি অনুসৰি এজন বন্দুকধাৰীয়ে কেন্দ্ৰটোত প্ৰৱেশ কৰিছিল আৰু গুলীচালনা কৰিবলৈ আৰম্ভ কৰিছিল। গুলীচালনাত দুজন ছাত্ৰসহ তিনিজন লোক আহত হয়।
উল্লেখ্য কেলিফৰ্ণিয়াত চীনা নৱবৰ্ষ উৎসৱত হোৱা আক্ৰমণৰ পিছত বন্দুকধাৰীজনে আমেৰিকাত তৃতীয়বাৰৰ বাবে এনে আক্ৰমণ ঘটায়৷ উক্ত তিনিটা পৃথক আক্ৰমণত কমেও নজন লোক নিহত হৈছে।
শেহতীয়াকৈ আইৱাৰ ডেচ মইনছত থকা এটা যুৱ প্ৰশিক্ষণ কেন্দ্ৰত বন্দুকধাৰীয়ে আক্ৰমণ কৰে। এই ঘটনাত আহতসকলৰ অৱস্থা উদ্বেগজনক বুলি জানিব পৰা গৈছে। চিকিৎসালয়ত চিকিৎসাধীন অৱস্থাত ছাত্ৰ দুজনৰ মৃত্যু হয়। এজন শিক্ষক গুৰুতৰভাবে আহত হৈ চিকিৎসাধীন হৈ আছে।
ঘটনাটো সংঘটিত কৰি দুৰ্বৃত্তই সেই স্থানৰ পৰা সুকলমে পলাই যাবলৈ সক্ষম হয়। আৰক্ষীয়ে বন্দুকধাৰীজনক আটক কৰিবলৈ অভিযান আৰম্ভ কৰিছে। গোপন সূত্ৰৰ পৰা তথ্য পোৱাৰ পিছত চহৰখনৰ ৰাজপথত এখন গাড়ী জব্দ কৰা হয়। আৰক্ষীয়ে তিনিজন সন্দেহজনক লোকক গ্ৰেপ্তাৰ কৰিছে। আক্ৰমণৰ আঁৰত তেওঁলোক জড়িত থাকিব পাৰে বুলি সন্দেহ কৰা হৈছে৷ আনহাতে, উত্তৰ কেলিফৰ্ণিয়াৰ হাফ মুন বে চহৰত দুটা পৃথক আক্ৰমণত মুঠ সাতজন লোক নিহত হৈছে।
Continue Reading
