ডিজিটেল ডেস্ক: ভূমিকম্পৰ কৱলত এতিয়া তুৰস্ক। মৃত্যুমুখত পৰিছে হাজাৰ হাজাৰ লোক। মৃতকৰ সংখ্যা ৪১ হাজাৰ অতিক্ৰম কৰিছে। এনে পৰিস্থিতিত দুৰ্যোগৰ ২৪৮ ঘন্টাৰ পাছত উদ্ধাৰকাৰী দলে ১৭ বছৰীয়া কিশোৰীক ধ্বংসাৱশেষৰ পৰা উদ্ধাৰ কৰে। সকলোৰে বাবে আচৰিত কথা যে ২৪৮ ঘন্টা আৱদ্ধ হৈ থকাৰ পাছতো বাচি থাকিল কিশোৰীগৰাকী। তথ্য অনুসৰি বৰ্তমান সুস্থ কিশোৰীগৰাকী। মৃতকৰ স্তূপৰ মাজত এটা জীৱিত আত্মাক উদ্ধাৰ কৰি উদ্ধাৰকাৰীসকল উল্লাসিত হৈ পৰিছে।
উদ্ধাৰকাৰী আলী আকদোগানে কয় যে, বিগত এসপ্তাহ ধৰি আমি এই অট্টালিকাসমূহৰ চাৰিওফালে তালাচী চলাই আহিছো। আশা এটাই যদি কিবা শব্দ শুনা যায়। আনকি এই অৱস্থাত জীয়াই থকা মেকুৰী এটা বিচাৰি পোৱাটোও আনন্দৰ কথা।”
কেনে আছে সেই ছোৱালীজনী? তথ্য অনুসৰি তেওঁ সুস্থ। ছোৱালীজনীৰ খুৰাকে কান্দি কান্দি ভতিজীক ঘূৰাই পোৱাৰ পাছত এজন এজনকৈ উদ্ধাৰকাৰীক সাৱটি ধৰি আছিল। আৰু ক'লে, "আমি তোমাক কেতিয়াও পাহৰিব নোৱাৰো।"
মন কৰিব যে ৬ ফেব্ৰুৱাৰীত হোৱা ভূমিকম্পৰ প্ৰাবল্য আছিল ৭.৮। ইয়াৰ পিছত তুৰস্কতো কেইবাটাও আফটাৰশ্বকৰ সন্মুখীন হ’বলগীয়া হয়। যাৰ বাবে তাত জনজীৱন কাৰ্যতঃ বিঘ্নিত হৈ পৰিছে। এতিয়াও মানুহৰ অসহায়। বহু লোক এতিয়াও ধ্বংসাৱশেষৰ তলত । ইফালে, বাচি থকাৰ পাছতো ৰাতিটোৰ ভিতৰতে সকলো হেৰুৱাই পেলোৱা গৃহহীন লোকসকলৰ অৱস্থা ভয়াৱহ সংকটত পৰিছে। প্ৰচণ্ড ঠাণ্ডা আৰু ভোকত জ্বলি থকা সেইসকল লোকক অতি সোনকালে নিৰাপদ স্থানলৈ লৈ যোৱা হৈছে বুলি জনা গৈছে। যদিও এই বিষয়ত প্ৰশাসনৰ ভূমিকাত বহুতেই সন্তুষ্ট নহয়। তেওঁলোকৰ দাবী, চৰকাৰে গৃহহীন লোকক সহায়ৰ হাত আগবঢ়োৱা নাই। যাৰ বিষয়ে বৰ্তমান নতুন বিতৰ্ক আৰম্ভ হৈছে।
Continue Reading
