ডিজিটেল ডেস্ক: চৰম অৰ্থনৈতিক মন্দাৱস্থাৰ গ্ৰাসত পৰিছে পাকিস্তান৷ অৰ্থনৈতিক সংকটে ছানি ধৰিছে ভাৰতৰ চুবুৰীয়া ৰাষ্ট্ৰখন৷ অৰ্থনৈতিক মন্দাৱস্থাই দুৰ্বিষহ কৰি তুলিছে দেশখনৰ জনজীৱন৷ পাকিস্তানত আজিৰ পৰা কাৰ্যকৰী হৈছে ইন্ধন মূল্যৰ নতুন নিৰিখ৷
পাকিস্তানত কালি নিশাৰ পৰা পেট্ৰ’ল আৰু গেছৰ মূল্যই আকাশলংঘী উচ্চতালৈ বৃদ্ধি হৈছে৷ ২২.২০ টকা বৃদ্ধিৰ পাছত ৰাষ্ট্ৰখনত পেট্ৰ’লৰ মূল্য প্ৰতি লিটাৰত ২৭২ টকালৈ বৃদ্ধি কৰা হৈছে৷ বিত্ত বিভাগৰ এক প্ৰেছ বিজ্ঞপ্তিত উল্লেখ কৰা হৈছে যে ডলাৰৰ বিপৰীতে টকাৰ অৱমূল্যায়নৰ ফলত এই বৃদ্ধি হৈছে।
১৭.২০ টকা বৃদ্ধিৰ পাছত ডিজেলৰ মূল্য প্ৰতি লিটাৰত ২৮০ টকালৈ বৃদ্ধি কৰা হৈছে। ১২.৯০ টকাবৃদ্ধিৰ পিছত কেৰাচিন তেল এতিয়া প্ৰতি লিটাৰত ২০২.৭৩ টকাত উপলব্ধ হ'ব। ইফালে, ৯.৬৮ টকা বৃদ্ধিৰ পিছত পাতল ডিজেল তেল প্ৰতি লিটাৰত ১৯৬.৬৮ টকাত উপলব্ধ হ'ব।
নতুন মূল্যসমূহ কালি নিশা ১২ বজাৰ পৰা কাৰ্যকৰী হৈছে৷
মুডিজ এনালিটিক্সৰ সৈতে সম্পৰ্কিত জ্যেষ্ঠ অৰ্থনীতিবিদ কেটৰিনা ইলে ভৱিষ্যদ্বাণী কৰিছিল যে ২০২৩ চনৰ প্ৰথমাৰ্ধত পাকিস্তানত মুদ্ৰাস্ফীতি হ্ৰাস হোৱাৰ আগতে গড় ৩৩ শতাংশ হ'ব পাৰে, আৰু কেৱল আইএমএফৰ পৰা বেলআউটে অৰ্থনীতিক পুনৰ পথত পেলোৱাৰ সম্ভাৱনা নাই বুলি জিয়’ নিউজে প্ৰকাশ কৰিছে।
মিনি বাজেটৰ জৰিয়তে, পাকিস্তান ডেমক্ৰেটিক মুভমেণ্ট (পিডিএম)নেতৃত্বাধীন ফেডাৰেল চৰকাৰে বাজেটৰ ঘাটি হ্ৰাস কৰা আৰু ইয়াৰ কৰ সংগ্ৰহৰ মুঠ পৰিমাণ বিস্তৃত কৰাৰ লক্ষ্য ৰাখিছে।
Continue Reading
