ডিজিটেল ডেস্ক: ৰাখীবন্ধন উপলক্ষে উত্তৰ প্ৰদেশৰ মুখ্যমন্ত্ৰী যোগী আদিত্যনাথ চৰকাৰে মহিলাসকলক প্ৰদান কৰিছে এক বৃহৎ উপহাৰ। দৰাচলতে, শেহতীয়া তথ্য অনুসৰি, উত্তৰ প্ৰদেশত ৰাখীবন্ধন উপলক্ষে মহিলাসকলে ৰাজ্যিক পৰিবহণ নিগমৰ বাছত বিনামূলীয়াকৈ যাত্ৰা কৰিব পাৰিব। তথ্যত অনুসৰি ভাই-ভনীৰ মৰমৰ অনন্য উৎসৱ, শাওণ পূৰ্ণিমাৰ ‘ৰাখীবন্ধন'ৰ শুভ উপলক্ষে উত্তৰ প্ৰদেশ ৰাজ্যিক পথ পৰিবহণ নিগমৰ বাছসমূহত মুক্ত চলাচলৰ সুবিধা থাকিব ৰাজ্যৰ মাতৃ আৰু ভগ্নীসকলৰ বাবে।
ইয়াৰ সমান্তৰালভাৱে স্বাধীনতাৰ অমৃত মহোৎসৱৰ ক্ৰম অনুসৰি ৪৮ ঘণ্টাৰ বাবে বিনামূলীয়া বাছ সেৱা উপলব্ধ হ’ব বুলিও কোৱা হৈছে। ১০ আগষ্টৰ মাজনিশাৰ পৰা ১২ আগষ্টৰ মাজনিশালৈ মাতৃ-ভগ্নীয়ে বিনামূলীয়া বাছ সেৱাৰ সুবিধা লাভ কৰিব পাৰিব। উল্লেখযোগ্য যে আন কিছুমান ৰাজ্যতো ৰাখীবন্ধন উপলক্ষে মহিলাসকলক চৰকাৰী বাছত বিনামূলীয়াকৈ যাতায়ত কৰাৰ ব্যৱস্থা কৰা হৈছে। ইয়াৰ পূৰ্বে উত্তৰাখণ্ড আৰু হাৰিয়ানা চৰকাৰেও এই কথা ঘোষণা কৰিছিল।
অহা ১১ আগষ্টত পালন কৰা হ’ব ৰক্ষাবন্ধন উৎসৱ
এইবাৰ অহা ১১ আগষ্টত সমগ্ৰ দেশজুৰি ধুমধামেৰে পালন কৰা হ’ব ৰাখীবন্ধন উৎসৱ। ৰাখীবন্ধনৰ দিনটোত ভগ্নীয়ে ভাতৃৰ ঘৰলৈ গৈ তেওঁৰ হাতত ৰাখী বান্ধি দীৰ্ঘায়ু প্ৰাৰ্থনা কৰে, আনহাতে আনফালে ভায়েকেও ভনীয়েকক সদায় ৰক্ষা কৰাৰ প্ৰতিশ্ৰুতি দিয়ে। উত্তৰাখণ্ড আৰু ইউ পিতো যোৱা বছৰো সুৰক্ষা বন্ধৰ দিনা মহিলাসকলক বিনামূলীয়াকৈ যাতায়তৰ সুবিধা প্ৰদান কৰা হৈছিল।
Continue Reading
