ডিজিটেল ডেস্কঃ জব্দ কৰা সুৰাৰ বটল চুৰি কৰাৰ অভিযোগ উত্থাপন হৈছে আৰক্ষী থানাৰেই এজন আৰক্ষী বিষয়া আৰু কনিষ্টবলৰ বিৰুদ্ধে। অভিযোগ অনুসৰি জব্দ কৰা সুৰাখিনি থানাত মজুত কৰি ৰখা ঠাইৰ পৰা কেইবাটাও বটল উলিয়াই আনিছে। এই ঘটনাত থানাৰ সহকাৰী উপ-পৰিদৰ্শক আৰু আন চাৰিজন কনিষ্টবলক গ্ৰেপ্তাৰ কৰা হৈছে।
গুজৰাটৰ মহিসাগৰ জিলাত সংঘটিত হৈছে এই ঘটনা। কেৱল সুৰাৰ বটলেই নহয়, জব্দ কৰা কেইবাখনো পাখা (টেবুল ফেন) চুৰি হোৱাৰ অভিযোগ উত্থাপন হৈছে। একেটা সৰবৰাহকাৰীৰ পৰা আৰক্ষীয়ে জব্দ কৰে সুৰা আৰু ফেন।
জব্দ কৰা সামগ্ৰীসমূহৰ পৰা মুঠ ১২৫টা সুৰাৰ বটল আৰু ১৫টা ফেন চুৰি হয়। থানাৰ চিচিটিভি ফুটেজৰ মাজেৰে গৈ অন্যান্য বিষয়ৰ তদন্ত কৰি কনিষ্টবল আৰু এএছআইক গ্ৰেপ্তাৰ কৰে।
উপ-অধীক্ষক পি এছ ভালবিয়ে সংবাদ সংস্থা পিটিআইক জনোৱা মতে, বাকুৰ থানাৰ পৰা জব্দ কৰা কেইবাটাও সুৰাৰ বটল আৰু ফেন চুৰি হৈছে। সেইসমূহ থানাৰ মহিলা লক-আপত মজুত কৰি ৰাখিছিল।
Continue Reading
