ডিজিটেল ডেস্কঃ আৰক্ষীয়ে হঠাতে গ্ৰেপ্তাৰ কৰিলে অস্কাৰ বিজয়ী অভিনেত্ৰীক। গ্ৰেপ্তাৰ কৰা অভিনেত্ৰীগৰাকীৰ নাম তৰানেহ আলিধুষ্টি। ৩৮ বছৰীয়া অভিনেত্ৰীগৰাকীক 'দ্য চেলছমেন' ছবিখনত দেখা গৈছিল। ছবিখনে ২০১৬ চনত অস্কাৰ লাভ কৰিছিল। তেওঁ এতিয়ালৈকে বহু জনপ্ৰিয় চলচ্চিত্ৰত অভিনয় কৰিছে।
ইৰাণ চৰকাৰে অস্কাৰ বিজয়ী অভিনেত্ৰীগৰাকীক গ্ৰেপ্তাৰ কৰিছে। তেওঁ ইৰাণত হিজাব বিৰোধী আন্দোলনত অংশগ্ৰহণ কৰাৰ বাবেই আৰক্ষীয়ে তেওঁক গ্ৰেপ্তাৰ কৰিছে।হিজাবৰ বিৰুদ্ধে তেওঁ সামাজিক মাধ্যমত এটা পোষ্টৰদিছিল। সেই পোষ্টটৰ চেলুলৈয়েই অভিনেত্ৰীগৰাকীক গ্ৰেপ্তাৰ কৰা হৈছে।
আলিধুষ্টিয়ে ৮ ডিচেম্বৰত দিয়া পোষ্টত লিখিছিল, "আপোনাৰ নীৰৱতা অত্যাচাৰী আৰু অত্যাচাৰকাৰীসকলক সমৰ্থন কৰাৰ সমান।" মন কৰিবলগীয়া যে যিদিনা আলিদুষ্টিয়ে এই পোষ্টটো কৰিছিল, ইৰাণত চৰকাৰ বিৰোধী আন্দোলনত জড়িত প্ৰথমগৰাকী প্ৰতিবাদকাৰীক মৃত্যুদণ্ড বিহা হৈছিল। "যিবোৰ আন্তঃৰাষ্ট্ৰীয় সংগঠনে এই অত্যাচাৰ দেখিও নীৰৱে আছে তেওঁলোকৰ নীৰৱতা মানৱতাৰ বাবে লজ্জাজনক '' বুলি অভিনেত্ৰীগৰাকীয়ে কৈছিল।
ইৰাণৰ আৰক্ষীয়ে অভিনেত্ৰী গৰাকীক হেণ্ডকাফ পিন্ধাই চোঁচৰাই নিয়ে।আলিধুষ্টি ইৰাণৰ মনোৰঞ্জন জগতৰ এক সুপৰিচিত মুখ। তেওঁ খুব কম বয়সৰ পৰাই অভিনয় কৰি আহিছে। তেওঁৰ শেহতীয়া চলচ্চিত্ৰ 'লেইলাছ ব্ৰাদাৰ' কান চলচ্চিত্ৰ মহোৎসৱত প্ৰদৰ্শিত হৈছে।
১৯ বছৰীয়া কিশোৰী মাহশা আমিনীৰ ১৬ ছেপ্টেম্বৰত হিজাব পৰিধান নকৰাৰ বাবে ইৰাণত আৰক্ষীৰ জিম্মাত মৃত্যু হয়। সমগ্ৰ দেশতে এই মৃত্যুৰ বিৰুদ্ধে প্ৰতিবাদ চলি আছে। চৰকাৰৰ কঠোৰ আৰু ৰক্ষণশীল নিয়মৰ বিৰুদ্ধে প্ৰতিবাদ কৰিবলৈ হাজাৰ হাজাৰ লোক ৰাজপথলৈ ওলাই আহিছে।
ইৰাণীত যুৱতীসকলে ৰাজহুৱাকৈ চুলি কাটি আৰু হিজাব জ্বলাই প্ৰতিবাদ কৰিছে। তেতিয়াৰ পৰাই চৰকাৰে শক্তিশালী হাতেৰে বিদ্ৰোহ দমন কৰি আহিছে। মাহছাৰ মৃত্যুৰ পিছৰে পৰা অভিনেত্ৰী আলিধুষ্টিয়েও চৰকাৰৰ বিৰুদ্ধে সোচ্চাৰ হৈ আহিছে। ফলস্বৰূপে, চৰকাৰেও তেওঁকো এৰি নিদিলে।
Continue Reading
