ডিজিটেল ডেস্কঃ ভাৰতক এতিয়া হেঁচা মাৰি ধৰিছে চীন আৰু পাকিস্তানে। এপিনে চীনৰ সেনাই অৰুণাচলত ভাৰতীয় সেনাক আক্ৰমণ কৰাৰ পিছতে এইবাৰ ভাৰতৰ বিৰুদ্দে পাৰমাণৱিক বোমাৰে আক্ৰমণৰ ভাবুকি দিছে পাকিস্তানে। পাকিস্তান পিপলছ পাৰ্টিৰ নেত্ৰী শ্বাজিয়া মাৰিয়ে ভাৰতৰ বিৰুদ্ধে কঠোৰ সকিয়নী শুনাইছে।
শ্বাজিয়াই শেহতীয়াকৈ ভাৰতৰ বিৰুদ্ধে পাৰমাণৱিক আক্ৰমর ভাবুকি দিছে। প্ৰধানমন্ত্ৰী নৰেন্দ্ৰ মোদীৰ বিৰুদ্ধে শিষ্টাচাৰহীন মন্তব্য কৰাৰ বাবে পাকিস্তানৰ বৈদেশিক মন্ত্ৰী বিলাৱাল ভুট্টোক ভাৰতে উভতি ধৰাৰ পিছতে শ্বাজিয়াই এনেদৰে পাৰমাণৱিক বোমাৰে ভাৰতক আক্ৰমণ কৰাৰ ভাবুকি দিয়ে।
শ্বাজিয়াই কয় "ভাৰতে পাহৰিব নালাগে যে পাকিস্তানৰ ওচৰত পৰমাণু বোমা আছে। আমাৰ পাৰমাণৱিক বোমা সজাই থবৰ বাবে নহয়। প্ৰয়োজন হ'লে আমি সেয়া ব্যৱহাৰ কৰিম," । শ্বাজিয়াই এখন সংবাদমেলত ভাৰতৰ বিৰুদ্ধে এনেদৰে ভাবুকি দিছে।
উল্লেখ্য ৰাষ্ট্ৰসংঘত কিছুদিন পূৰ্বে পাকিস্তানৰ বৈদেশিক মন্ত্ৰী ভুট্টোই প্ৰধানমন্ত্ৰী মোদীক গুজৰাটৰ কচাই আখ্যা দিছিল।
ভুট্টোই কৈছিল: "ওছামা বিন লাদেন মৃত, কিন্তু গুজৰাটৰ কচাইজন এতিয়াও জীৱিত আৰু তেওঁ ভাৰতৰ প্ৰধানমন্ত্ৰী।"
Continue Reading
