‘আলু-বিলাহীৰ মূল্য হ্ৰাস কৰিবলৈ ৰাজনীতি কৰিবলৈ অহা নাই’- পাকিস্তানৰ প্ৰধানমন্ত্ৰীৰ আচহুৱা মন্তব্য

ডিজিটেল ডেস্কঃ পাকিস্তানৰ প্ৰধানমন্ত্ৰী ইমৰান খানে দেশখনৰ বিৰোধীৰ ওপৰত তীব্ৰ ক্ষোভ প্ৰকাশ কৰিছে। সমগ্ৰ দেশৰ অৰ্থনৈতিক সংকট সন্দৰ্ভত বিৰোধীৰ উত্থাপন কৰা প্ৰশ্নত প্ৰধানমন্ত্ৰীয়ে কয় যে, ‘মই আলু আৰু বিলাহীৰ মূল্য হ্ৰাস কৰিবলৈ ৰাজনীতি কৰিবলৈ অহা নাই। এই মন্তব্য কৰাৰ পাছত মুহূৰ্ততে ভাইৰেল হৈ পৰে প্ৰধানমন্ত্ৰীৰ এই মন্তব্য। পাকিস্তানৰ অৰ্থনৈতিক অৱস্থা বৰ্তমান সময়ত খুবেই সংকট, নিযুক্তি নাই। ফলস্বৰূপে সমগ্ৰ দেশতে চৰকাৰ বিৰোধী ভাৱনা বৃদ্ধি পাইছে। এনে পৰিস্থিতিত, বিৰোধী শিবিৰে চৰকাৰৰ বিফলতাৰ অভিযোগ তুলি অনাস্থা প্ৰস্তাৱ আনিছে। ৰাজহুৱা কোষাগাৰৰ ধনৰ অপব্যৱহাৰ কৰা হৈছে বুলিও বিৰোধীয়ে অভিযোগ আনিছে। পাকিস্তানৰ প্ৰধানমন্ত্ৰী ইমৰান খানে এই অভিযোগৰ বিষয়ে মুখ খুলিছে। তেওঁ কয় যে, ‘মই দেশৰ প্ৰধানমন্ত্ৰী। মই আলু আৰু বিলাহীৰ মূল্য হ্ৰাস কৰিবলৈ ৰাজনীতিত যোগদান কৰা নাছিলো।’ ইমৰান খানক পাকিস্তানৰ পঞ্জাব প্ৰদেশৰ হাফিজাবাদত এখন ৰাজনৈতিক ৰেলীত অংশগ্ৰহণ কৰা দেখা গৈছিল। প্ৰধানমন্ত্ৰীয়ে কয় যে, ‘যিসকলে ধন ব্যৱহাৰ কৰি সংসদৰ সদস্য ক্ৰয় কৰিবলৈ চেষ্টা কৰি আছে আৰু মোৰ চৰকাৰক উৎখাত কৰিবলৈ চেষ্টা কৰি আছে তেওঁলোকৰ বিৰুদ্ধে দেশৰ জনসাধাৰণ একত্ৰিত হ’ব। ইয়াৰ বিপৰীতে তেওঁ কয় যে, মই থাকিলেহে পাকিস্তান উন্নত হ’ব। তেওঁ লগতে কয় যে, চৰকাৰে ঘোষণা কৰা অনুদান সোনকালেই কাৰ্যকৰী কৰা হ’ব।