ডিজিটেল ডেস্কঃ ২২ জানুৱাৰীত ৰাম মন্দিৰ উদ্বোধন কৰিব প্ৰধানমন্ত্ৰী নৰেন্দ্ৰ মোদীয়ে। অযোধ্যাত ৰাম মন্দিৰ উদ্বোধনী অনুষ্ঠানক কেন্দ্ৰ কৰি উৎসৱৰ আয়োজন কৰা হৈছে। অযোধ্যাৰ ৰামলালাৰ প্ৰতিমূৰ্তিৰ আগত ক্ৰিকেট খেলপথাৰত দেখা গ’ল আন এজন ‘ৰাম’।
কেপ টাউনত অনুষ্ঠিত ভাৰত-দক্ষিণ আফ্ৰিকা টেষ্টৰ প্ৰথম দিনটোত ডিন এলগাৰৰ ইনিংছৰ মাজত ‘ৰাম ছিয়া ৰাম’ ভজন অনুষ্ঠিত হয়। চলতি চিৰিজত উদ্যোক্তাসকলে এই ভজন বজায় যেতিয়া দক্ষিণ আফ্ৰিকাৰ অলৰাউণ্ডাৰ কেশৱ মহাৰাজে চলিত শৃংখলাত খেলপথাৰত প্ৰৱেশ কৰে।
বুধবাৰটোও বেলেগ নাছিল। সেই সময়তে বিৰাট কোহলীক ‘ৰাম’ৰ চৰিত্ৰত দেখা গৈছিল। ষ্টেডিয়ামৰ সংগীত ব্যৱস্থাই ৰাম ছিয়া ৰাম ভজন বজাই থকাৰ সময়তে কোহলীয়ে ধনুখন ওপৰলৈ তুলি কাঁড়ৰ ভংগীমা কৰিলে। ইয়াৰ পিছত ভাৰতীয় দলৰ প্ৰাক্তন অধিনায়কগৰাকীয়ে হাত জোৰ কৰি প্ৰণাম কৰে। খেলপথাৰত উপস্থিত ক্ৰিকেটপ্ৰেমীসকলেও কোহলীক ৰামৰ চৰিত্ৰত দেখা পাই উৎফুল্লিত হৈ পৰে। ছ’চিয়েল মিডিয়াতো ভাইৰেল হৈ পৰিছে কোহলীৰ ডাৰ্ট থ্ৰ’ইং প’জ।
Continue Reading
