ডিজিটেল ডেস্ক: জৱাহৰলাল নেহৰু বিশ্ববিদ্যালয়৷ সততে সংবাদ শিৰোনাম দখল কৰি অহা জৱাহৰলাল নেহৰু বিশ্ববিদ্যালয় (জেএনইউ) পুনৰ চৰ্চালৈ আহিছে৷ জে এন ইউৰ দেৱালত দেখা গৈছে আপত্তিজনক শ্ল’গান।
এইবাৰ জেএনইউৰ ভাষা অধ্যয়ন কেন্দ্ৰত ‘বাবৰি মছজিদ পুনৰ নিৰ্মাণ কৰা হ'ব’ শ্ল’গান স্প্ৰে’-পেইণ্টেৰে লিখা হৈছে। শ্লোগানৰ লগতে লিখা হৈছে ৬ ডিচেম্বৰ তাৰিখো৷ লগতে অঁকা হৈছে এন.এছ.ইউ.আই.ৰ ল’গ’, মহাত্মা গান্ধী, চৰ্দাৰ ভগত সিং আৰু ইন্দিৰা গান্ধীৰ ছবি৷ অৱশ্যে, এন.এছ.ইউ.আই.য়ে কৈছে যে এয়া দুষ্টচক্ৰৰ কাম।
তথ্য অনুসৰি, জেএনইউৰ ভাষা অধ্যয়ন কেন্দ্ৰৰ দেৱালত ‘ৰিবিল্ড বাবৰি মছজিদ’ আৰু ‘৬ ডিচেম্বৰ’ লিখা দেখা গৈছে। এই শ্ল’গানটো এনে এটা সময়ত লিখা হৈছে, যিসময়ত কিছুদিন পাছতেই প্ৰধানমন্ত্ৰী নৰেন্দ্ৰ মোদী অযোধ্যালৈ গৈ আছে আৰু ২০২৪ চনৰ ২২ জানুৱাৰীত অযোধ্যাত বিশাল ৰাম মন্দিৰ উদ্বোধন হ'বলৈ গৈ আছে। উল্লেখযোগ্য যে ১৯৯২ৰ ৬ ডিচেম্বৰৰত কাৰসেৱকসকলে বিতৰ্কিত বাবৰি মছজিদ ধ্বংস কৰিছিল।
সংবাদ মাধ্যমৰ বাতৰি অনুসৰি, এন.এছ.ইউ.আই.ৰ জেএনইউ গোটৰ সভাপতি সুধাংশু শেখৰে এই বিষয়ত স্পষ্টীকৰণ দিছে৷ সুধাংশু শেখৰে কৈছে যে তেওঁলোকৰ সংগঠনৰ নাম ইতিমধ্যে ক’লা মাৰ্কাৰেৰে লিখা হৈছিল। পাছত, বিতৰ্কিত শ্ল’গানবোৰ ৰঙা ৰঙত লিখা হৈছিল। এইটো এন.এছ.ইউ.আই.ক বদনাম কৰাৰ এটা প্ৰয়াস। তেওঁ দাবী জনাইছে যে যদি সমগ্ৰ অঞ্চলটোৰ চিচিটিভি কেমেৰা পৰীক্ষা কৰা হয়, অভিযুক্তজন ধৰা পৰিব পাৰে৷
Continue Reading
