ডিজিটেল ডেস্কঃসুস্মিতা সেন, অমিত শ্বাহৰ নামেৰে আম পোৱা যাব বজাৰত৷ বজাৰলৈ গৈ আপুনি ক’লেই হ’ল এক কিলোগ্ৰাম সুস্মিতা সেন বা অমিত শ্বাহ দিয়কচোন বুলি৷ লগে লগে দোকানীয়ে জুখি দিয়া সুস্মিতা সেন, অমিত শ্বাহক মোনাত ভৰাই আপুনি ঘৰমুৱা হ’ব পাৰিব৷ হয় সুস্মিতা সেন, অমিত শ্বাহৰ নামতো এতিয়া আমৰ নাম ৰখা হৈছে৷
বিশ্বক 'ঐশ্বৰ্য' আৰু 'শচীন'ৰ দৰে অনন্য প্ৰজাতিৰ আম উপহাৰ দিয়াৰ পিছত উদ্যানশস্যবিদ তথা ভাৰতৰ ’মেংগো মেন’ হিচাবে পৰিচিত হাজী কালিমুল্লা খানে ফলৰ ৰজাৰ দুটা সুস্বাদু নতুন হাইব্ৰিড বিকশিত কৰি সেই দুবিধৰ নাম ৰাখিছে সুস্মিতা সেন, অমিত শ্বাহৰ নামেৰে৷ এয়া বিখ্যাত ব্যক্তি দুগৰাকীৰ প্ৰতি হাজী কালিমুল্লা খানৰ বিশেষ সন্মান প্ৰদৰ্শন বুলি তেওঁ প্ৰকাশ কৰিছে৷
শেহতীয়াকৈ হাজী কালিমুল্লা খানে সৃষ্টি কৰা নতুন প্ৰজাতিৰ আম দুবিধৰ নাম ৰখা হৈছে 'সুস্মিতা আম' আৰু 'অমিত শ্বাহ আম' নামেৰে৷। এই দুয়ো বিধ আমেই উত্তৰ প্ৰদেশৰ মালিহাবাদত থকা তেওঁৰ বাগিচাত বিকশিত কৰিছে আম বিশেষজ্ঞগৰাকীয়ে৷ 'সুস্মিতা আম'ৰ নাম প্ৰাক্তন মিছ ইউনিভাৰ্ছ আৰু বলীউডৰ অভিনেত্ৰী সুস্মিতা সেনৰ নামেৰে ৰখা হৈছে৷ খানে কয় " মই প্ৰথমে ঐশ্বৰ্য ৰায়ৰ নামত আমৰ নাম ৰাখিছিলো পিছত 'ঐশ্বৰ্য আম' বুলি । কিন্তু মোক সুস্মিতা সেনৰ বিষয়ে বহু পিছত কোনোৱাই কৈছিল। মই বিচাৰো যে তেওঁৰ নামেৰেও এবিধ আমৰ নাম ৰখা হওঁক৷ সেয়ে এনে পদক্ষেপ গ্ৰহণ কৰা হৈছে" তেওঁ ব্যাখ্যা কৰিছিল।
তেওঁ বিজেপিৰ হেভিৱেট আৰু গৃহ মন্ত্ৰী অমিত শ্বাহৰ প্ৰতি সন্মান জনাই এবিধ আমৰ নাম অমিত শ্বাহ আম হিচাবে ৰখা বুলিও কয়৷
এজন প্ৰসিদ্ধ আম খেতিয়ক, হাজী কালিমুল্লা খানে কেইবা দশক ধৰি পৃথক সংকৰ পদ্ধতিৰে নতুন নতুন আমৰ সৃষ্টি কৰি আহিছে৷ ৮২ বছৰীয়া খানে মুলায়ম আম, নমো আম, শচীন আম, কালাম আম, অমিতাভ আম আৰু যোগী আমৰ দৰে ৩০০ তকৈও অধিক অনন্য প্ৰকাৰৰ আম সৃষ্টি কৰিছে৷ খানক তেওঁৰ অনবদ্য কৰ্মৰ বাবে ২০০৮ চনত পদ্মশ্ৰী বঁটা প্ৰদান কৰা হৈছিল ৷
খানে এতিয়ালৈকে ৩০০ প্ৰকাৰতকৈও অধিক আম কাটিং গ্ৰাফ্টিং পদ্ধতিৰে উৎপাদন কৰিবলৈ সক্ষম হৈছে।তেওঁ নতুন প্ৰজাতিৰ আমবোৰৰ একো একোটা নামো দিছে। উদাহৰণ স্বৰূপে, ১৯৯৪ চনত বিশ্বসুন্দৰী ঐশ্বৰ্য ৰায় বচ্চনৰ নামেৰে এটা নতুন আমৰ নাম ৰখা হৈছিল। সেয়া তেওঁৰ প্ৰিয় আমবোৰৰ মাজৰে এটা আছিল। প্ৰতিটো আমৰ ওজন এক কিলোগ্ৰামতকৈ বেছি আছিল।
Continue Reading
