ডিজিটেল ডেস্কঃ দেশত নিৱনুৱা সমস্যাই কালান্তক ৰূপ ধাৰণ কৰিছে।নিবনুৱাৰৰ হুমুনিয়াহেৰে গধুৰ হৈ পৰিছে দেশৰ বতাহ।২০১৪ চনৰ লোকসভা নিৰ্বাচনৰ পূৰ্বে নৰেন্দ্ৰ মোদীয়ে দেশত প্ৰতি বছৰে ২ কোটি নিবনুৱাকচাকৰি দিম বুলি ঘোষণা কৰিছিল যদিও সেই ঘোষণা আজিও কাৰ্যকৰী নহ'ল।দেশত প্ৰতি বছৰে নিবনুৱাৰ সংখ্যা বৃদ্ধিহে পাই গৈ আছে।
এক ব্যক্তিগত গৱেষণা প্ৰতিষ্ঠানৰ মতে, অক্টোবৰত ভাৰতৰ সামগ্ৰিক নিবনুৱাৰ হাৰ বৃদ্ধি পাইছিল, যাৰ ফলত বাৰিষাৰ বপন কৰা শস্য চপোৱা সমাপ্ত হোৱাৰ পিছত গ্ৰাম্য নিবনুৱাৰ সংখ্যা তীব্ৰভাৱে বৃদ্ধি পাইছিল।
নিবনুৱাৰ হাৰ বৰ্তমান সৰ্বোচ্চ ৭.৭৭ শতাংশ লৈ বৃদ্ধি হৈছে।চেণ্টাৰ ফৰ মনিটৰিং ইণ্ডিয়ান ইকনমি প্ৰাইভেটৰ তথ্যই দেখুৱাইছে যে গ্ৰাম্য নিবনুৱাৰ হাৰ ছেপ্টেম্বৰ মাহত ৫.৮৪ ৰ পৰা ৮,০৪ লৈ বৃদ্ধি হৈছে। আনহাতে নগৰীয়া নিবনুৱাৰ হাৰ ৭.২১ শাংশ হৈছে।
এনে এক বিষম পৰিবেশৰ মাজতে ৩ নৱেম্বৰত ৰাজধানী চহৰ নতুন দিল্লীত দেশৰ লাখ লাখ নিবনুৱাই'আমাক চাকৰি দিয়ক'ধ্বনিৰেআকাশ বতাহ কঁপাই তুলিব।ডিৱাইএফআইৰ আহ্বানত দেশৰ প্ৰায় সকলোকেইখন ৰাজ্যৰ পৰা যোৱা নিবনুৱাসকলে এই কাৰ্যসূচীত যোগদান কৰিব।কাইলৈ দিনৰ ১১ বজাত সংসদভৱনৰ কাষতে অনুষ্ঠিত হ'ব এইবিশাল কাৰ্যসূচী।
Continue Reading
