ডিজিটেল ডেস্কঃ আমেৰিকা যুক্তৰাষ্ট্ৰৰ বিৰুদ্ধে ইংলেণ্ডৰ খেল চাই হতাশ হ’ল ইংলিছ ফুটবলাৰসকলৰ পত্নী আৰু বান্ধৱীসকল। শুক্ৰবাৰে অনুষ্ঠিত হোৱা মেচখন গ’লশূণ্যভাৱে ড্ৰ হয়। বিশ্বকাপৰ প্ৰথমখন মেচত দুৰ্দান্ত প্ৰদৰ্শন আগবঢ়োৱা হেৰী কেন, ৰাহিম ষ্টাৰলিংহঁতে আমেৰিকা যুক্তৰাষ্ট্ৰ বিৰুদ্ধে এটাও গ’ল কৰিবলৈ সক্ষম নহ’ব।
উল্লেখ্য যে প্ৰতিখন বিশ্বকাপতে ইংলেণ্ডৰ ফুটবলাৰসকলে নিজৰ পত্নী আৰু বান্ধৱীসকলক লগত লৈ আহে। ইংলেণ্ডৰ জাৰ্চি পিন্ধি ষ্টেডিয়ামৰ আসন শুৱনি কৰে তেওঁলোকে। এইবাৰো কাইল ৱাকাৰ, জেক গ্ৰিলিছ, জৰ্ডান পিকফ’ৰ্ড, বুকায়’ চাকাহঁতৰ সু্ন্দৰী পত্নী-বান্ধৱীসকলে কাটাৰলৈ আহিছে।
কাটাৰৰ ৰাজধানী দোহাৰ কাষত এখন প্ৰমোদতৰীত বিশ্বকাপৰ সময়খিনি অতিবাহিত কৰিছে তেওঁলোকে। প্ৰমোদতৰীখনত ৬টাকৈ চুইমিং পুল আৰু ৩০খনকৈ বাৰ আছে।
কিন্তু শুকৰ্বাৰে নিজৰ স্বামী আৰু প্ৰেমিকসকলৰ ছন্দহীন খেলা দেখি ষ্টেডিয়ামৰ গেলেৰীত বিৰক্ত হোৱা দেখা গ’ল তেওঁলোকক গেলেৰীত বহি কোনোৱে যদি ঘনে ঘনে হামি মাৰিলে, কোনোৱে আকৌ মোবাইলত ব্যস্ত হৈ পৰিল।
ইংলেণ্ডৰ ফুটবলাৰ ৰামচডেলৰ বান্ধৱী জিঅ’ৰজিনাক হামিওৱা দেখা গ’ল। জৰ্দান পিকফৰ্ডৰ পত্নী মেগানক হতাশ ৰূপত দেখা গ’ল। জেক গ্ৰিলীছৰ পত্নী সাছা এটউডক দেখা গ’ল মোবাইলত মগ্ন হৈ থকা।
উল্লেখ্য যে আমেৰিকা যুক্তৰাষ্ট্ৰ বিৰুদ্ধে শুকৰ্বাৰে জয়লাভ কৰা হ’লে ইংলেণ্ডে চুপাৰ চিক্সটিনলৈ আগুৱাবলৈ সুবিধা হ’লহেঁতেন। কিন্তু ইয়াৰ বাবে দলটো এতিয়া মুখামুখি হ’ব লাগিব ৱেলছৰ স’তে খেলিব লগা পৰৱৰ্তী মেচখনৰ বাবে।
Continue Reading
