আমেৰিকাৰ চিৰিয়াখানাত ‘পুটিন’ৰ হাৰ্ট এটেক

ডিজিটেল ডেস্ক: আমেৰিকাৰ এখন চিৰিয়াখানাত পুটিনৰ হাৰ্ট এটেক হোৱাৰ খবৰ পোৱা গৈছে। সকলো হঠাতে সকলো চিকিৎসাকৰ্মী পুটিনক লৈ ব্যস্ত হৈ পৰিল। কিন্তু অৱশেষত নিয়তিৰ ওচৰত হাৰ মানিলে পুটিনে। আমেৰিকাৰ যুক্তৰাষ্ট্ৰৰ মিনেচ’টা চিৰিয়াখানাৰ পৰা এই হাৰ্ট এটেকৰ খবৰটো পোৱা গৈছে। খবৰ অনুসৰি পুটিন নামৰ এটা বাঘ হাৰ্ট এটেকৰ চিকাৰ হৈ মৃত্যুমুখত পৰিছে। মৃত্যুৰ সময়ত বাঘটো ১২ বছৰ বয়সীয়া আছিল। ২০১৫ চনৰ পৰাই আমেৰিকা যুক্তৰাষ্ট্ৰৰ চিৰিয়াখানাখনত বাস কৰি আছিল মৃত বাঘটোৱে। উল্লেখযোগ্য যে, মিনেচ’টা চিৰিয়াখানাত সকলো জন্তুকে নিয়মীয়াকৈ স্বাস্থ্যপৰীক্ষা কৰা হয় আৰু সেই অনুসৰি চিকিৎসা সেৱা আগবঢ়োৱা হয়। সেয়েহে বুধবাৰে চিৰিয়াখানাখনৰ পশু চিকিৎসকে পুটিন নামৰ এটা বাঘৰ স্বাস্থ্য পৰীক্ষা কৰি আছিল। চিকিৎসাত পোৱা গৈছিল যে পুটিন নামৰ বাঘটো হৃদৰোগত আক্ৰান্ত হৈছিল। পশু চিকিৎসক আৰু চিৰিয়াখানাৰ কৰ্মীসকলে সকলো প্ৰচেষ্টা কৰিছিল। কিন্তু বাঘটোক বচাব পৰা নহ’ল। মিনেচ’টা চিৰিয়াখানাৰ পশু যত্ন আৰু সংৰক্ষণ বিভাগৰ মুৰব্বী ড০ টেইলৰ য়াউগে কৈছিল যে এইটো এটা নিয়মীয়া প্ৰক্ৰিয়া, যি বাঘৰ যত্ন আৰু সংৰক্ষণৰ এক গুৰুত্বপূৰ্ণ অংশ। অনুসন্ধানৰ সময়ত সকলো প্ৰয়োজনীয় সাৱধানতা অৱলম্বন কৰা হৈছিল আৰু আমাৰ দলটোৱে বাঘটোক বচাবলৈ তেওঁলোকৰ সকলো শক্তি নিক্ষেপ কৰিছিল। কিন্তু আমি তেওঁক বচাব নোৱাৰিলোঁ।‘ মিনেসোটা চিৰিয়াখানাৰ সঞ্চালক জন ফ্ৰোলিয়ে কৈছিল যে আজিৰ দিনটো মিনেচ'টা চিৰিয়াখানাত আমাৰ সকলোৰে বাবে এটা অত্যন্ত কঠিন দিন। বাঘৰ মৃত্যুত আমি গভীৰভাৱে আঘাতপ্ৰাপ্ত। ইয়াত কাম কৰা সকলো বিষয়া আৰু কৰ্মচাৰী শোকত আছে। পুটিন বাঘৰ মৃত্যুৰ পাছত, চিৰিয়াখানাখনত এতিয়া সুন্দৰী নামৰ এটা প্ৰাপ্তবয়স্ক মাইকী বাঘ আছে। ‘আমাৰ চিৰিয়াখানাই বিশ্বব্যাপী বাঘ সংৰক্ষণত এক গুৰুত্বপূৰ্ণ ভূমিকা পালন কৰিছে। আমি বাঘ সংৰক্ষণ অভিযানৰ বাবে মিলিয়ন ডলাৰ সংগ্ৰহ কৰিছো। যোৱা ৪০ বছৰৰো অধিক সময় ধৰি মিনেচ'টা চিৰিয়াখানাত বাঘ সংৰক্ষণৰ কাম চলি আছে।‘ ফ্ৰোলে কৈছিল যে ২০১৫ চনত মিনেচ'টা চিৰিয়াখানালৈ অহা ‘পুটিন’ৰ জন্ম ২০০৯ চনত চেক গণৰাজ্যত হৈছিল। এপল ভেলী চিৰিয়াখানালৈ অহাৰ আগতে তেওঁ ডেনমাৰ্কৰ চিৰিয়াখানাত ৬ বছৰ বাস কৰিছিল। ২০১৭ চনত মিনেচ'টা চিৰিয়াখানাত পুটিন বাঘৰ কুনবা যথেষ্ট বৃদ্ধি পাইছিল। কাৰণ এই বছৰ বহুতো পোৱালীৰ জন্ম হৈছিল। পুটিনৰ হাৰ্ট এটেকৰ খবৰটোৱে এতিয়া সকলোকে আমোদ দিছে। বহুতেই এই সময়ত আটাইতকৈ চৰ্চিত ৰাছিয়াৰ ৰাষ্ট্ৰপতি ভ্লাডিমিৰ পুটিনৰ সৈতে সকলোৱে ৰিজনি প্ৰদান কৰাও দেখা গৈছে।