আমেৰিকা-দক্ষিণ কোৰিয়াক আক্ৰমণ কৰিবলৈকে আণৱিক ক্ষেপনাস্ত্ৰ পৰীক্ষা কৰি আছে কিম জং উনে!

ডিজিটেল ডেস্কঃ আমেৰিকা যুক্তৰাষ্ট্ৰ আৰু দক্ষিণ কোৰিয়া আক্ৰমণ চলাব কিম জং উনে! এই দুখন বৈৰী দেশৰ বাবেই উত্তৰ কোৰিয়াৰ একনায়কত্ববাদী শাসকগৰাকীয়ে ধাৰাবাহিকভাৱে আণৱিক ক্ষেপনাস্ত্ৰ পৰীক্ষা কৰি আহিছে।

উত্তৰ কোৰিয়াই এইদৰে অস্ত্ৰ পৰীক্ষা কৰি থকাক লৈ বিশ্বৰ ৰাজনীতি উত্তপ্ত হৈ থকাৰ মাজতে এই মন্তব্য কৰিছে কিম জং উন আৰু তেওঁৰ সেনাবাহিনীয়ে।

সোমবাৰে উত্তৰ কোৰিয়াৰ সেনাই জনাইছে যে তেওঁলোকৰ শত্ৰুৰ বিমানবন্দৰ আৰু যুদ্ধবিমানসমূহ অচল কৰি পেলোৱাৰ উদ্দেশ্যেৰই এইদৰে আণৱিক ক্ষেপনাস্ত্ৰ পৰীক্ষা কৰি থকা হৈছে।

উল্লেখ্য যে যোৱা কেইবাসপ্তাহধৰি ধাৰাবাবিকভাৱে এইসমূহ পৰীক্ষা কৰি আহিছে উত্তৰ কোৰিয়াৰই। অক্টোবৰ মাহতো জাপানৰ ভূখণ্ডৰ ওপৰেৰে এটা আণৱিক অস্ত্ৰ ক্ষেপন কৰা হৈছিল। তাৰ প্ৰত্যুত্তৰত আমেৰিকা আৰু দক্ষিণ কোৰিয়াইও উত্তৰ কোৰিয়ালৈ ক্ষেপনাস্ত্ৰ নিক্ষেপ কৰিছিল।

এইসমূহ ঘটনাই কোৰিয়া উপদ্বীপ অঞ্চলত ব্যাপক উত্তেজনাৰ সৃষ্টি হৈ আহিছে। আমেৰিকা যুক্তৰাষ্ট্ৰ, দক্ষিণ কোৰিয়াকে ধৰি কেইবাখনো দেশে ইতিমধ্যে উত্তৰ কোৰিয়াক বয়কট কৰিবলৈ বিশ্ববাসীৰ আগত দাবী তুলিছে।