ডিজিটেল ডেস্কঃ শেহতীয়াকৈ আমেৰিকাত এটা শিখ পৰিয়ালৰ চাৰিজন সদস্যক অপহৰণ আৰু তাৰ পিছত হত্যা কৰাৰ অভিযোগত অভিযুক্ত লোকজনক ১৭ বছৰ আগতেও ডকাইতিৰ গোচৰত গ্ৰেপ্তাৰ কৰা হৈছিল। মাৰ্কিন আৰক্ষীৰ সূত্ৰই এই কথা প্ৰকাশ কৰিছে।
যীচু চালগাডো নামৰ অভিযুক্তজনে ১৭ বছৰ আগতে এটা পৰিয়ালক বন্দুকৰ দেখুৱাই তেওঁলোকৰ ধন-সম্পদ লুট কৰিছিল। কেলিফৰ্ণিয়াৰ সংশোধন আৰু পুনৰ্সংস্থাপন বিভাগৰ মতে, চালগাডোক ২০০৭ চনত কাৰাদণ্ডৰে দণ্ডিত কৰা হৈছিল আৰু ২০১৫ চনত মুক্তি দিয়া হৈছিল ।শেহতীয়াকৈ, চালগাডোক ৩৬ বছৰীয়া শিখ লোক জছদীপ সিং, তেওঁৰ পত্নী জছলীন কৌৰ (২৭), অমনদীপ সিং (৩৯) আৰু এগৰাকী আঠ মহীয়া কন্যা সন্তান অৰুহী ধেৰীক অপহৰণ আৰু হত্যা কৰাৰ অভিযোগত গ্ৰেপ্তাৰ কৰা হৈছে।
পৰিয়ালটো পঞ্জাৱৰ হোচিয়াৰপুৰৰ বাসিন্দা আছিল। পৰিয়ালটোৰ কেলিফৰ্ণিয়াত ট্ৰাকৰ ব্যৱসায় আছিল। চাৰিজনৰ মৃতদেহ বুধবাৰে কেলিফৰ্ণিয়াৰ ডছ পালোচ চহৰৰ ওচৰৰ এটা এলেকাত পোৱা গৈছিল। চালগাডোৱে সেই পৰিয়ালটোৰ ট্ৰাকৰ ব্যৱসায়ত কাম কৰিছিল।
২০০৪ চনত তেওঁক ধন চুৰি কৰাৰ সন্দেহত কামৰ পৰা বৰ্খাস্ত কৰিছিল। তাৰেই প্ৰতিশোধ ল'বলৈ লোকজনে শিখ পৰিয়ালটোক হত্যা কৰা বুলি ধাৰণা কৰা হৈচে। মাৰ্কেড কাউণ্টিৰ অধিবক্তাসকলে জনাইছে যে ছালগাডোক ২০০৭ চনৰ আৰম্ভণিতে ডকাইতিৰ অভিযোগত দোষী সাব্যস্ত কৰা হৈছিল।
Continue Reading
