ডিজিটেল ডেস্কঃ অষ্ট্ৰেলিয়াত খানা খাই ভালপোৱা নাই বিৰাট, ৰোহিত, অশ্বিনহঁতে। মঙলবাৰে টীম ইণ্ডিয়াৰ ক্ৰিকেটাৰসকলে আইচিচিয়ে দুপৰীয়াৰ আহাৰত দিয়া খাদ্যবস্তুসমূহ ভক্ষণ নকৰিলে।
আইচিচিয়ে দিয়া খাদ্যবস্তুসমূহ ঠাণ্ডা আৰু নিম্ন মানদণ্ডৰ বুলি তেওঁলোকে অভিহিত কৰিছে। খাদ্যবস্তুসমূহ আছিল বিভিন্ন ফল-মূল, ফালাফেল আৰু চেণ্ডউইছ। কিন্তু বিৰাট-ৰোহিতহঁতে এইসমূহ ভাল নাপালে।
এই সম্পৰ্কত তেওঁলোকে চিডনী ক্ৰিকেট গ্ৰাউণ্ড কৰ্তৃপক্ষকো অৱগত কৰিছে। মঙলবাৰে অনুশীলন পৰ্বৰ পাছতে তেওঁলোকক এই খাদ্যসমূহ খাবলৈ দিয়া হৈছিল।
''খাদ্যসমূহ ভাল নহয়। এটা অনুশীলন পৰ্বৰ পাছত সাধাৰণতে আমি চেণ্ডউইছ নাখাওঁ।’’- তেওঁলোকে জনায়।
উল্লেখ্য যে অহা বৃহস্পতিবাৰে ভাৰতে নেদাৰলেণ্ডৰে মুখামুখি হ’ব। চিডনী ক্ৰিকেট গ্ৰাউণ্ডত হ’ব লগা মেচখনত সুন্দৰ প্ৰদৰ্শনৰ বাবে প্ৰস্তুতি অব্যাহত ৰাখিছে বিৰাট-ৰোহিতহঁতে।
Continue Reading
