'আমি সকলো বস্তু শ্বেয়াৰ কৰো'! তিনি যমজ ভগ্নীয়ে একেজন যুৱকক পাতিলে বিয়া

ডিজিটেল ডেস্কঃ এজন যুৱকে একেসময়তে একেলগে তিনিগৰাকী যমজ ভগ্নীক পাতিলে বিয়া। আফ্ৰিকাৰ কংগোত তিনিগৰাকী যমজ ভগ্নীয়ে একে সময়তে একেজন যুৱকক বিয়া কৰাই সকলোকে আচৰিত কৰি তুলিছে। ৩২ বছৰীয়া লুইজু নামৰ যুৱকজনে এক বিশেষ বিবাহ অনুষ্ঠানত নাদিগে, নাতাশা আৰু নাটালী নামৰ তিনিগৰাকী যমজ ভগ্নীক বিয়া কৰায়। লুইজুৱে কয় যে তেওঁ তিনিওগৰাকী যমজ ভগ্নীৰ পৰা একেলগে বিবাহৰ প্ৰস্তাৱ পাইছিল আৰু সেই প্ৰস্তাৱ তেওঁ অস্বীকাৰ কৰিব নোৱাৰিলে, সেয়েহে তেওঁ তিনিওগৰাকীকে বিয়া কৰাবলৈ সিদ্ধান্ত লৈছিল। লুইজুৱে লগতে কয় যে "মই কি কৰি আছো তাক লৈ মোৰ মা-দেউতা চিন্তিত আছিল। সেইকাৰণে তেওঁলোকে মোৰ বিয়াত উপস্থিত নাছিল। মই কিবা এটা লাভ কৰিবলৈ হ'লে কিবা এটা হেৰুৱাব লাগিব, সেয়েহে আনে কি ভাবে মই গুৰুত্ব নিদিওঁ। মই বিয়া পাতি সুখী," সেয়াই মোৰ বাবে যথেষ্ট।" লুইজুৱে কৈছিল যে তেওঁ প্ৰথমে নাটালীৰ প্ৰেমত পৰিছিল কিন্তু যেতিয়া নাটালীয়ে তেওঁক তাইৰ যমজ ভগ্নী নাদিগে আৰু নাতাছাৰ সৈতে পৰিচয় কৰাই দিছিল, তেতিয়া তেওঁলোক দুয়ো লুইজুৰ প্ৰেমত পৰিছিল। ইয়াৰ পাছতেই তিনিও যমজ ভগ্নীয়ে একেজন যুৱকক বিয়া পতাৰ সিদ্ধান্ত লয়। নাটালীয়ে এই বিয়াৰ সম্পৰ্কত কয় যে "আমি সৰুৰে পৰা সকলোবোৰ বস্তু শ্বেয়াৰ কৰি আহিছো, সেয়েহে স্বামীক ভাগ বতৰা কৰাটো আমাৰ বাবে একো কঠিন কাম নহয়।"