ডিজিটেল ডেস্কঃ কেন্দ্ৰীয় গৃহ মন্ত্ৰ্যালয়ে বুধবাৰে প্ৰকাশ কৰা অনুসৰি তিনিখন ৰাজ্যত CAAৰ অধীনত নাগৰিকত্ব প্ৰদানৰ কাম আৰম্ভ কৰিছে কেন্দ্ৰই। মন্ত্ৰালয়ৰ এক বিবৃতি অনুসৰি পশ্চিম বংগ, হাৰিয়ানা, উত্তৰাখণ্ডৰ CAA আবেদনকাৰীসকলক নিজ নিজ ৰাজ্যিক ক্ষমতাপ্ৰাপ্ত সমিতিৰ দ্বাৰা নাগৰিকত্ব প্ৰদান কৰা হৈছে।
১৫ মে’ত কেন্দ্ৰীয় গৃহ সচিব অজয় কুমাৰ ভল্লাই নাগৰিকত্ব (সংশোধনী) নিয়ম, ২০২৪ৰ অধিসূচনাৰ পিছত নতুন দিল্লীত আবেদনকাৰীৰ হাতত প্ৰথম ছেট নাগৰিকত্বৰ প্ৰমাণ পত্ৰ প্ৰদান কৰে। ১৫ মে’ত নাগৰিকত্বৰ প্ৰমাণ পত্ৰ “দিল্লীৰ ১৪ জন আবেদনকাৰীক শাৰীৰিকভাৱে গতাই দিয়া হৈছিল”।চৰকাৰে কৈছিল যে, “ইমেইলৰ জৰিয়তে আন বহু আবেদনকাৰীক ডিজিটেল স্বাক্ষৰিত প্ৰমাণপত্ৰ প্ৰদান কৰা হৈছে।”
২০১৯ চনৰ ডিচেম্বৰ মাহত নাগৰিকত্ব (সংশোধনী) নিয়মাৱলী, ২০২৪ (CAA) প্ৰণয়ন কৰা হৈছিল।এই আইনৰ অধীনত বাংলাদেশ, পাকিস্তান আৰু আফগানিস্তানৰ পৰা অহা ৩১ ডিচেম্বৰ, বা তাৰ আগতে ভাৰতলৈ অহা নিৰ্যাতিত অমুছলমান প্ৰব্ৰজনকাৰীক ভাৰতীয় জাতীয়তা প্ৰদানৰ সিদ্ধান্ত লোৱা হৈছিল। ২০১৪ চনত হিন্দু, শিখ, জৈন, বৌদ্ধ, পাৰ্চী আৰু খ্ৰীষ্টান আদি।
প্ৰণয়নৰ পিছত CAA-এ ৰাষ্ট্ৰপতিৰ সন্মতি লাভ কৰিছিল যদিও যিবোৰ নিয়মৰ অধীনত ভাৰতীয় নাগৰিকত্ব প্ৰদান কৰা হৈছিল, সেইবোৰ নিয়ম চাৰি বছৰৰো অধিক পলমৰ পিছত এই বছৰহে জাৰি কৰা হৈছিল।
কেন্দ্ৰই ২০২৪ চনৰ ১১ মাৰ্চত নাগৰিকত্ব (সংশোধনী) নিয়ম, ২০২৪ৰ বিষয়ে অৱগত কৰিছিল।“এই নিয়ম মানি চলি পাকিস্তান, বাংলাদেশ আৰু আফগানিস্তানৰ হিন্দু, শিখ, জৈন, বৌদ্ধ, পাৰ্চী আৰু খ্ৰীষ্টান সম্প্ৰদায়ৰ ব্যক্তিৰ পৰা আবেদন লাভ কৰা হৈছে যিসকলে ধৰ্মৰ ভিত্তিত নিৰ্যাতন বা এনে নিৰ্যাতনৰ ভয়ৰ বাবে ৩১.১২.২০১৪ পৰ্যন্ত ভাৰতত প্ৰৱেশ কৰিছে।’- গৃহ মন্ত্ৰালয়ে এইদৰে কয়।
Continue Reading
